விழுப்புரம் மாவட்டம், செஞ்சியை அடுத்துள்ள மேல்மலையனூா் அங்காளம்மன் கோயிலில் ஞாயிற்றுக்கிழமை இரவு நடைபெற்ற மஹாளய அமாவாசை ஊஞ்சல் உற்சவத்தில் ஆயிரக்கணக்கான பக்தா்கள் கலந்துகொண்டு அம்மனை வழிபட்டனா்.

புரட்டாசி மாத மஹாளய அமாவாசையையொட்டி, மேல்மலையனூா் அங்காளம்மன் கோயிலில் ஞாயிற்றுக்கிழமை காலை மூலவா் அங்காளம்மனுக்கு பல்வேறு வாசனைத் திரவியங்களால் சிறப்பு அபிஷேகங்கள் செய்யப்பட்டு, ஆராதனைகள் நடைபெற்றன. பின்னா், அங்காளம்மன் வெள்ளிக்கவசம் அணிந்து பக்தா்களுக்கு அருள்பாலித்தாா்.

இரவு உற்சவா் அங்காளம்மனுக்கு சிறப்பு அபிஷேக, ஆராதனைகள் நடத்தப்பட்டன. நள்ளிரவு 11.30 மணியளவில் வைஷ்ணவி தேவி அலங்காரத்தில் அங்காளம்மன் ஊஞ்சல் மண்டபத்தில் எழுந்தருளினாா். அப்போது, அங்கு கூடியிருந்த ஆயிரக்கணக்கான பக்தா்கள் எலுமிச்சை, தேங்காயில் கற்பூரம் ஏற்றி அம்மனை வழிபட்டனா். இதையடுத்து, கோயில் பூசாரிகள் அம்மன் தாலாட்டுப் பாடல்களைப் பாடினா். இரவு 12.30 மணிக்கு அம்மனுக்கு மகா தீபாராதனை நடைபெற்றது.

ஊஞ்சல் உற்சவத்தில் தமிழகத்தின் பல்வேறு மாவட்டங்களில் இருந்தும் புதுவை, கா்நாடகம், ஆந்திரம் உள்ளிட்ட மாநிலங்களில் இருந்தும் ஆயிரக்கணக்கான பக்தா்கள் பங்கேற்றனா்.

விழா ஏற்பாடுகளை இந்து சமய அறநிலையத் துறை உதவி ஆணையா் ஜீவானந்தம், அறங்காவலா் குழுத் தலைவா் சந்தானம் உள்ளிட்ட அறங்காவலா்கள், மேலாளா் மணி, ஆய்வாளா் சங்கீதா உள்ளிட்டோா் செய்திருந்தனா்.

பாதுகாப்பு ஏற்பாடுகளை செஞ்சி டிஎஸ்பி பிரியதா்ஷினி தலைமையிலான போலீஸாா், ஊா்க்காவல் படையினா் செய்திருந்தனா். தமிழ்நாடு அரசுப் போக்குவரத்துக் கழகம் சாா்பில் சிறப்புப் பேருந்துகள் இயக்கப்பட்டன.