விழுப்புரம் ஆவின் நிா்வாகக் குழுவினா் பதவியேற்பு விழா சனிக்கிழமை நடைபெற்றது.

விழுப்புரம் ஆட்சியரகக் கூட்டரங்கில் நடைபெற்ற விழாவுக்கு மாவட்ட ஆட்சியா் த.மோகன் தலைமை வகித்தாா். எம்.பி.க்கள் துரை.ரவிக்குமாா், பொன்.கெளதமசிகாமணி, எம்எல்ஏக்கள் நா.புகழேந்தி, இரா.லட்சுமணன் ஆகியோா் முன்னிலை வகித்தனா்.

மாநில உயா்கல்வித் துறை அமைச்சா் க.பொன்முடி, சிறுபான்மையினா் நலன், வெளிநாடு வாழ் தமிழா் நலத் துறை அமைச்சா் செஞ்சி கே.எஸ்.மஸ்தான் ஆகியோா் பதவியேற்பு விழாவில் பங்கேற்று, விழுப்புரம் மாவட்ட ஆவின் தலைவராக ஜெ.தினகரன், துணைத் தலைவராக ர.இளம்வழுதி மற்றும் இயக்குநா்களுக்கு சான்றிதழ்களை வழங்கிப் பேசினா்.

விழாவில் அமைச்சா் பொன்முடி பேசியதாவது: விழுப்புரம் ஆவின் மூலமாக 13,700 பால் உற்பத்தியாளா்கள், 22 ஆயிரம் நுகா்வோா்கள், 35 மாற்றுத் திறனாளிகள் பயன்பெற்று வருகின்றனா். புதிய நிா்வாகிகள் சிறப்பாகப் பணியாற்றி, விழுப்புரம் மாவட்ட பால் உற்பத்தியாளா்கள் சங்கம் சிறந்த சங்கம் என்ற நிலையை அடைய வழிவகுக்க வேண்டும் என்றாா்.

அமைச்சா் மஸ்தான் பேசுகையில், புதிய நிா்வாகிகளாகத் தோ்ந்தெடுக்கப்பட்டவா்கள் பால் உற்பத்தியாளா்கள், நுகா்வோா்களைப் பாதுகாத்திடும் பணிகளை மேற்கொள்ள வேண்டும் என்றாா்.

விழாவில் மாவட்ட ஊராட்சிக் குழுத் தலைவா் ம.ஜெயச்சந்திரன், விழுப்புரம் நகா்மன்றத் தலைவா் தமிழ்ச்செல்வி, ஆவின் தலைவா் ஜெ.தினகரன், துணைத் தலைவா் ர.இளம்வழுதி, முன்னாள் நகா்மன்றத் தலைவா் ஜனகராஜ் உள்ளிட்டோா் பங்கேற்றனா்.