கடலூா் மாவட்டம், புலியூா் ஊராட்சியில் நடைபெற்ற சுதந்திர தின விழாவில், ஊராட்சி மன்றத் தலைவா் தேசியக் கொடி ஏற்ற எதிா்ப்புத் தெரிவிக்கப்பட்டதால் பரபரப்பு ஏற்பட்டது.

சுதந்திர தின விழாவில் ஊராட்சி மன்றத் தலைவா்கள் தேசியக் கொடி ஏற்ற எதிா்ப்புத் தெரிவிப்போா் மீது நடவடிக்கை எடுக்கப்படும் என தமிழக அரசு அறிவித்தது.

இந்த நிலையில், கடலூா் மாவட்டம், குறிஞ்சிப்பாடி ஊராட்சி ஒன்றியம், புலியூா் ஊராட்சி மன்ற வளாகத்தில் சுதந்திர தின விழா திங்கள்கிழமை நடைபெற்றது. அப்போது ஊராட்சி மன்றத் தலைவா் மணிவண்ணன் தேசியக் கொடி ஏற்ற மன்ற துணைத் தலைவா் பரிமளா சங்கா் மற்றும் பெரும்பாலான வாா்டு உறுப்பினா்கள் எதிா்ப்புத் தெரிவித்தனராம்.

இதையடுத்து, பண்ருட்டி டிஎஸ்பி சபியுல்லா தலைமையில் 30-க்கும் மேற்பட்ட போலீஸாா் குவிக்கப்பட்டு, பலத்த பாதுகாப்புடன் ஊராட்சி மன்றத் தலைவா் மணிவண்ணன் தேசியக் கொடியை ஏற்றினாா்.