விழுப்புரத்தில் கடன் சுமையால் தாயும், மகளும் புதன்கிழமை விஷமருந்தி தற்கொலை செய்து கொண்டனா். விஷமருந்திய மற்றொரு மகள் உயிருக்கு ஆபத்தான நிலையில் மருத்துவமனையில் சிகிச்சை பெற்று வருகிறாா்.

விழப்புரம் சித்தேரிக்கரை பள்ளிவாசல் தெருவைச் சோ்ந்தவா் கஜேந்திரன் (40). இவரது மனைவி கவிதா (35). இவா்களது மகள்கள் பவித்ரா (17), ஷா்மிளா (13).

கட்டடத் தொழிலாளியான கஜேந்திரனுக்கு குடிப்பழக்கம் இருந்து வந்தது. அவா் மது அருந்திவிட்டு மனைவியிடம் அடிக்கடி தகராறில் ஈடுபட்டும், வேலைக்குச் செல்லாமலும் இருந்து வந்தாா். இதனால், கடன் வாங்கி குடும்பம் நடத்தும் நிலை ஏற்பட்டது. கடன் சுமை மேலும் அதிகரிக்கவே கவிதா கவலையடைந்தாா்.

அவா் செவ்வாய்க்கிழமை மாலை தனது பிள்ளைகளுடன் கோயிலுக்குச் செல்வதாகக் கூறிவிட்டு வீட்டிலிருந்து புறப்பட்டாா். இரவு நீண்ட நேரமாகியும் மூவரும் வீட்டுக்குத் திரும்பி வராததால், உறவினா்கள் அவா்களைத் தேடினா்.

சித்தேரிக்கரை ரயில் தண்டவாளம் அருகே கவிதா தனது இரு பிள்ளைகளுடன் கிடப்பது தெரிய வந்தது. தகவலறிந்த விழுப்புரம் தாலுகா போலீஸாா் சம்பவ இடத்துக்கு வந்தனா். அங்கு கவிதா, பவித்ரா ஆகியோா் விஷமருந்தி தற்கொலை செய்து கொண்டது தெரிய வந்தது. ஷா்மிளா விஷமருந்தி உயிருக்கு ஆபத்தான நிலையில் மயங்கி கிடந்தாா். அவரை போலீஸாா் மீட்டு, விழுப்புரம் அரசு மருத்துவக் கல்லூரி மருத்துவமனைக்கு அனுப்பிவைத்தனா். அங்கு அவருக்கு சிகிச்சையளிக்கப்பட்டு வருகிறது.

இந்தச் சம்பவம் குறித்து விழுப்புரம் தாலூகா போலீஸாா் வழக்குப் பதிந்து விசாரணை நடத்தி வருகின்றனா்.