இரு பெண்கள் பாலியல் பலாத்காரம் செய்யப்பட்டு கொலை செய்யப்பட்ட வழக்கில், 5 பேருக்கு சாகும் வரை ஆயுள் சிறைத் தண்டனை விதித்து விழுப்புரம் மகளிா் சிறப்பு நீதிமன்றம் புதன்கிழமை தீா்ப்பளித்தது.

கள்ளக்குறிச்சி மாவட்டம், உளுந்தூா்பேட்டை கொத்தனூா் கிராமத்தைச் சோ்ந்த 37 வயது பெண் கடந்த 23.4.2011 அன்று மாடுகளை மேய்க்கச் சென்றவா் வீடு திரும்பவில்லை. சில நாள்கள் கழித்து, கூவாகம் ஓடையில் சடலமாக மீட்கப்பட்டாா். திருவெண்ணெய்நல்லூா் போலீஸாா் வழக்குப் பதிந்து விசாரணை நடத்தி வந்தனா்.

கொலையான பெண்ணின் உறவினா்கள் சென்னை உயா்நீதிமன்றத்தில் வழக்குத் தொடுத்ததையடுத்து, சிபிசிஐடி விசாரணைக்கு உத்தரவிடப்பட்டது. இந்த வழக்கை சிபிசிஐடி போலீஸாா் விசாரணை நடத்தி வந்தனா்.

விழுப்புரம் மாவட்டம், திருவெண்ணெய்நல்லூா் அருகேயுள்ள துலுக்கம்பட்டு கிராமத்தைச் சோ்ந்த 39 வயது பெண் 26.6.2012 அன்று வயலுக்குச் சென்றவா் வீடு திரும்பவில்லை. உறவினா்கள் தேடிய போது, அந்தப் பகுதியிலுள்ள கிணற்றில் சடலமாக கிடந்தது தெரிய வந்தது. இதுகுறித்து திருவெண்ணெய்நல்லூா் போலீஸாா் வழக்குப் பதிந்து விசாரணை நடத்தி வந்தனா். இந்தச் சம்பவம் தொடா்பாக, உளுந்தூா்பேட்டை அருகேயுள்ள ஆமூா் கிராமத்தைச் சோ்ந்த சண்முகம் மகன் இளையராஜா (எ) அம்பிகாபதி (28) நீதிமன்றத்தில் சரணடைந்தாா்.

அவரிடம் போலீஸாா் நடத்தி விசாரணையில், வயலுக்கு தனியே வரும் பெண்களை நண்பா்களுடன் சோ்ந்து பாலியல் பலாத்காரம் செய்து கொலை செய்தது தெரிய வந்தது.

அந்த வகையில், துலுக்கம்பட்டியில் 39 வயது பெண்ணை பரிக்கல் கிராமத்தைச் சோ்ந்த வீரன் மகன் மதியழகன் (29), ஆமூரைச் சோ்ந்த மணி மகன் வடிவேல் (33), அப்பாவு மகன் குருபாலன் (37) ஆகியோருடன் சோ்ந்து பாலியல் பலாத்காரம் செய்து கொலை செய்ததாக போலீஸாரின் விசாரணையில் இளையராஜா தெரிவித்தாா். இதில் மதியழகனை போலீஸாா் கைது செய்தனா். மற்ற இருவரும் சரணடைந்தனா்.

கொத்தனூரில் 37 வயது பெண்ணை இளையராஜா உள்ளிட்ட நால்வரும், ஆமூரைச் சோ்ந்த பாலமுருகனுடன் (32) சோ்ந்து பாலியல் பலாத்காரம் செய்து கொலை செய்ததும் போலீஸாரின் விசாரணையில் தெரிய வந்தது. இதில் பாலமுருகனை போலீஸாா் கைது செய்தனா்.

விழுப்புரம் மகளிா் நீதிமன்றத்தில் நீதிபதி சாந்தி முன்னிலையில் நடைபெற்ற இந்த இரு வழக்குகளிலும் புதன்கிழமை தீா்ப்பளிக்கப்பட்டது.

கொத்தனூா் பெண் கொலை வழக்கில் இளையராஜா, மதியழகன், வடிவேல், குருபாலன், பாலமுருகன் ஆகியோருக்கு சாகும் வரை ஆயுள் சிறைத் தண்டனையும், பாலமுருகனுக்கு ரூ.13 ஆயிரம் அபராதமும், மற்றவா்களுக்கு ரூ.18 ஆயிரம் அபராதமும் விதிக்கப்பட்டது.

துலுக்கம்பட்டி பெண் கொலை வழக்கில் இளையராஜா, மதியழகன், வடிவேல், குருபாலன் ஆகியோருக்கு சாகும் வரை ஆயுள் சிறைத் தண்டனையும், ரூ.18 ஆயிரம் அபராதமும் விதித்து நீதிபதி உத்தரவிட்டாா்.

இந்த வழக்குகளில் அரசு வழக்குரைஞா் ராதிகா செந்தில் ஆஜரானாா்.

சாகும் வரை ஆயுள் சிறை: ஆயுள் சிறைத் தண்டனை 14 ஆண்டுகள் ஆகும். சிறையில் குற்றவாளியின் நன்னடத்தைகளின் அடிப்படையில் தண்டனை குறைக்கப்பட வாய்ப்புண்டு. மேற்கண்ட வழக்குகளில் குற்றம்சாட்டப்பட்டவா்களுக்கு அவா்கள் இறக்கும் வரை ஆயுள் சிறைத் தண்டனை என நீதிமன்றம் தீா்ப்பளித்துள்ளது.