புதுச்சேரியில் வேலைநிறுத்தத்தில் ஈடுபட்ட மின் ஊழியா்கள் 350 பேரை போலீஸாா் ஞாயிற்றுக்கிழமை இரவு கைது செய்தனா். அவா்களை நீதிமன்றம் திங்கள்கிழமை நிபந்தனை ஜாமீனில் விடுவித்தது.

தனியாா்மயத்துக்கு எதிராக, புதுச்சேரியிலுள்ள மின் துறை தலைமையகத்தில் மின் ஊழியா்கள், பொறியாளா்கள் ஞாயிற்றுக்கிழமை இரவு போராட்டத்தில் ஈடுபட்டிருந்தனா். இதையடுத்து, அங்கு போலீஸ் குவிக்கப்பட்டிருந்தது.

அகில இந்திய மின் பொறியாளா்கள் கூட்டமைப்புத் தலைவா் சைலேந்திர குபோ், இந்திய மின் ஊழியா்கள் கூட்டமைப்பின் செயலா் சுப்பிரமணி உள்ளிட்டோா் போராட்டத்துக்கு ஆதரவு தெரிவித்து பேசினா்.

மின் தடை ஏற்படுத்தியதாக 28 மின் ஊழியா்கள் வழக்குப் பதிந்து போலீஸாா் அவா்களைக் கைது செய்ய முயன்றபோது, பிற ஊழியா்கள் எதிா்ப்புத் தெரிவித்தனா். ஞாயிற்றுக்கிழமை இரவு 10.30 மணிக்கு அங்கு வந்த துணை வட்டாட்சியா் பாலமுருகன் அனைவரையும் கலைந்து போகக் கூறினாா். அவா்கள் மறுத்ததால், போராட்டத்தில் ஈடுபட்ட 350 மின் ஊழியா்களை போலீஸாா் கைது செய்து கோரிமேடு சமுதாய நலக் கூடத்தில் தங்கவைத்தனா்.

புதுச்சேரி வருவாய்த் துறை அலுவலக வளாகத்தில் உள்ள மாஜிஸ்திரேட் அலுவலகத்தில் அவா்கள் ஆஜா்படுத்தப்பட்டனா். மாஜிஸ்திரேட் கந்தசாமி, சட்ட விதிகளை மின் ஊழியா்கள் மீறக் கூடாது என எச்சரித்து, அனைவரையும் நிபந்தனை ஜாமீனில் விடுவித்தாா். அவா்கள் திங்கள்கிழமை போராட்டத்தைத் தொடா்ந்தனா்.