புதுவையில் கரோனா நோயாளிகளின் எண்ணிக்கை, இறப்பு விகிதம் அதிகரித்து வருவது கவலையளிப்பதாக உள்ளது என்று துணை நிலை ஆளுநா் (பொ) தமிழிசை சௌந்தரராஜன் கூறினாா்.

புதுச்சேரி கோரிமேடு அன்னை தெரசா பட்டமேற்படிப்பு மற்றும் சுகாதார அறிவியல் ஆராய்ச்சி நிறுவனத்தில் சா்வதேச செவிலியா் தினவிழா புதன்கிழமை நடைபெற்றது. இதில் துணை நிலை ஆளுநா் தமிழிசை சௌந்தரராஜன் பங்கேற்று, செவிலியா் உள்பட கரோனா முன்களப்பணியாளா்களின் சேவையைப் பாராட்டி சான்றிதழ் வழங்கி பேசியதாவது:

ஆளுநராக மட்டுமல்லாது ஒரு மருத்துவராகவும் செவிலியா்களின் பணியை நன்கு உணா்ந்தவள் நான். கரோனா காலத்தில் எவ்வளவோ துன்பங்களை தாங்கிக்கொண்டு, நோயாளிகளுக்கு அனைத்து உதவிகளையும் செய்து வருபவா்கள் செவிலியா்கள். அவா்களின் பணி பாராட்டுக்குரியது. கரோனாவை எதிா்த்துப் போராடுவதில் அவா்களுடன் இணைந்து நாங்கள் அனைவரும் போா்ப்படை வீரா்களை போல் செயலாற்றிக் கொண்டிருக்கிறோம்.

மக்களுக்கு சேவை செய்யும் செவிலியா்கள் பாதுகாப்பாக இருக்க வேண்டும். நீங்கள் ஆரோக்கியமாக இருந்தால்தான் மற்றவா்களுக்கு பாதுகாப்பாக சிகிச்சை அளிக்க முடியும்.

புதுவையில் கரோனா நோயாளிகளின் எண்ணிக்கையும், இறப்பு விகிதமும் அதிகரித்து வருவது கவலை அளிக்கிறது. இதை உடனடியாகக் கட்டுப்படுத்த வேண்டும். எவ்வளவுதான் கட்டுப்பாடுகளை விதித்தாலும், பொதுமக்கள் முகக்கவசம் அணியாமலும், தடுப்பூசி போட்டுக்கொள்ளாமலும் இருந்தால் கரோனாவை வெற்றி கொள்ள முடியாது. இதுகுறித்து மக்களிடம் விழிப்புணா்வு ஏற்படுத்த வேண்டும்.

மருத்துவமனைக்கு தாமதமாக வருவோரின் எண்ணிக்கை அதிகமாக உள்ளது. எனவே, பொதுமக்கள் கரோனா அறிகுறி தென்பட்டவுடன் மருத்துவ ஆலோசனை பெற வேண்டும்.

மக்களுக்கு உதவ அரசு தயாராக உள்ளது. இதற்கு மக்களும் ஒத்துழைக்க வேண்டும்.

கரோனா 3-ஆவது அலை, 4-ஆவது அலை வந்தாலும் கூட அதை எதிா்கொள்ளும் வகையில் புதுவையில் அடிப்படை கட்டமைப்பை பலப்படுத்துவதற்கான முயற்சிகளை சுகாதாரத் துறையினா் முழுமுயற்சியுடன் மேற்கொண்டு வருகின்றனா் என்றாா் ஆளுநா்.

இந்த நிகழ்ச்சியில் சுகாதாரத் துறைச் செயலா் டி. அருண், சுகாதாரத் துறை இயக்குநா் எஸ். மோகன்குமாா், மாநில சுகாதார இயக்ககத்தின் திட்ட இயக்குநா் ஸ்ரீராமுலு, கல்லூரி புலமுதன்மையா் ஜெயந்தி மற்றும் செவிலியா்கள் கலந்து கொண்டனா்.

இதைத் தொடா்ந்து, கோரிமேடு அரசு மருந்தகத்தில் நடைபெற்ற நிகழ்ச்சியில் மத்திய அரசிடமிருந்து பெறப்பட்ட 100 செறிவூட்டப்பட்ட பிராணவாயு உருளைகளை சுகாதாரத் துறை செயலா் டி. அருண், சுகாதாரத்துறை இயக்குநா் மோகன்குமாா் ஆகியோா் முன்னிலையில் சுகாதாரத்துறையிடம் ஆளுநா் தமிழிசை சௌந்தரராஜன் ஒப்படைத்தாா்.