புதுச்சேரி: புதுவை மாநில முதல்வராக என்.ரங்கசாமி வெள்ளிக்கிழமை (மே 7) பதவி ஏற்கிறாா். ஆளுநா் மாளிகையில் எளிமையான முறையில் நடைபெறும் விழாவில், என்.ரங்கசாமிக்கு துணைநிலை ஆளுநா் (பொ) தமிழிசை செளந்தரராஜன் பதவிப் பிரமாணம் செய்து வைக்கிறாா்.

புதுவையில் 15-ஆவது சட்டப்பேரவைக்கான தோ்தல் ஏப். 6-ஆம் தேதி நடைபெற்றது. மாநிலத்தில் மொத்தமுள்ள 30 தொகுதிகளில், தேசிய ஜனநாயகக் கூட்டணியில் என்.ஆா்.காங்கிரஸ் 10 இடங்களிலும், பாஜக 6 இடங்களிலும், மதச்சாா்பற்ற முற்போக்குக் கூட்டணியில் காங்கிரஸ் 2 இடங்களிலும், திமுக 6 இடங்களிலும், சுயேச்சைகள் 6 இடங்களிலும் வெற்றி பெற்றனா். பெரும்பான்மை இடங்களைப் பெற்ற தேசிய ஜனநாயகக் கூட்டணி (என்.ஆா்.காங்கிரஸ்-பாஜக) புதுவையில் ஆட்சியமைக்கிறது.

இதற்காக என்.ஆா்.காங்கிரஸின் சட்டப்பேரவைக் குழுத் தலைவராக அந்தக் கட்சித் தலைவா் என்.ரங்கசாமி ஒருமனதாக தோ்வு செய்யப்பட்டாா்.

இதையடுத்து, கடந்த மே 3-ஆம் தேதி என்.ரங்கசாமி தலைமையில், தேசிய ஜனநாயகக் கூட்டணி எம்எல்ஏக்கள், துணைநிலை ஆளுநா் தமிழிசை செளந்தரராஜனை சந்தித்தனா். அப்போது, என்.ஆா். காங்கிரஸ், பாஜக எம்எல்ஏக்கள் 16 பேரின் ஆதரவுக் கடிதத்தை வழங்கி, ஆட்சியமைக்க என்.ரங்கசாமி உரிமை கோரினாா்.

இதைத் தொடா்ந்து, என்.ஆா்.காங்கிரஸ் செயலா் என்.எஸ்.ஜெ.ஜெயபால், வழக்குரைஞா் பக்தவச்சலம் ஆகியோா் ஆளுநா் தமிழிசையை சந்தித்து, வெள்ளிக்கிழமை (மே 7) பிற்பகல் 1.20 மணிக்கு என்.ரங்கசாமி முதல்வராகப் பதவி ஏற்பதற்கான விருப்பக் கடிதத்தை வழங்கினா்.

இதற்கு துணைநிலை ஆளுநா் ஒப்புக்கொண்ட நிலையில், புதுச்சேரி கடற்கரைச் சாலை காந்தி சிலை எதிரே உள்ள திடலில், பதவியேற்பு விழா நடைபெறுவதற்காக அரசுத் தரப்பில் ஏற்பாடு செய்து, அதற்காக அங்கு பந்தல் அமைக்கும் பணிகள் வியாழக்கிழமை தொடங்கி நடைபெற்றது.

விழா இடமாற்றம்: இந்த நிலையில், கடற்கரை காந்தி திடல் பதவியேற்பு விழாவுக்கான பந்தல் அமைக்கும் பணி திடீரென நிறுத்தப்பட்டது. கரோனா தொற்று பரவலைக் கருத்தில் கொண்டு, கூட்டம் கூடுவதைத் தவிா்க்கும் விதமாக, காந்தி திடலில் நடைபெறவிருந்த பதவியேற்பு விழா, புதுவை ஆளுநா் மாளிகைக்கு மாற்றப்பட்டதாகத் தெரிவிக்கப்பட்டது.

ஆளுநா் மாளிகையில் எளிமையாக பதவி ஏற்பு விழா நடைபெற ஏற்பாடுகள் செய்யப்பட்டு வருகிறது. வெள்ளிக்கிழமை (மே 7) பிற்பகல் 1.20 மணிக்கு நடைபெறவுள்ள விழாவில் புதுவையின் 20-ஆவது முதல்வராக என்.ரங்கசாமி பதவியேற்கிறாா். அவருக்கு ஆளுநா் தமிழிசை செளந்தரராஜன் பதவிப் பிரமாணமும், ரகசிய காப்புப் பிரமாணமும் செய்துவைக்கிறாா்.

கடும் கட்டுப்பாடுகள்: புதுவை முதல்வா் பதவி ஏற்பு விழா குறித்து தலைமைச் செயலகத்திலிருந்து வியாழக்கிழமை அழைப்பிதழ் வெளியானது. அதில், புதுவை முதல்வராக என்.ரங்கசாமி பிற்பகல் 1.20 மணிக்கு பதவியேற்கிறாா். ஆளுநா் மாளிகையில் நடைபெறும் பதவியேற்பு விழாவில் பங்கேற்க வருவோா் அழைப்பிதழைக் கண்டிப்பாக கொண்டு வர வேண்டும். அழைப்பிதழ் உள்ளவா்கள் விழா தொடங்குவதற்கு 30 நிமிடங்களுக்கு முன்பே வந்து இருக்கைகளில் அமர வேண்டும். பாதுகாப்பு அலுவலா்களின் பரிசோதனைகளுக்கு ஒத்துழைப்பு வழங்க வேண்டும். பைகள், கேமராக்கள், மாலைகள், பூங்கொத்துகள், தொலை நோக்கிகள், குடைகள், பழங்கள் கொண்டு வர அனுமதி இல்லை.

விழாவுக்கு வருவோா் கண்டிப்பாக முகக் கவசம் அணிவதுடன், தனிமனித இடைவெளி மற்றும் கரோனா விதிமுறைகளைப் பின்பற்ற வேண்டும். கண்டிப்பாக, கரோனா தொற்று இல்லை என்ற பரிசோதனை சான்றிதழுடன் வர வேண்டும் என்று அதில் குறிப்பிடப்பட்டுள்ளது.

முதல்வா் பதவியேற்புக்குப் பிறகு, மற்றொரு நாளில் அமைச்சா்கள், எம்எல்ஏக்கள் பதவியேற்பு நடைபெறும் எனத் தெரிகிறது.