வில்லியனூா் லூா்து அன்னை மாதா திருத்தலத்தின் 144-ஆம் ஆண்டுத் திருவிழா சனிக்கிழமை கொடியேற்றத்துடன் தொடங்கியது.

புதுச்சேரி அருகே வில்லியனூா் தூய லூா்து அன்னை திருத்தலத்தின் ஆண்டுத் திருவிழா, ஆண்டுதோறும் ஈஸ்டா் பண்டிகை முடிந்த 6-ஆவது நாளில் கொடியேற்றத்துடன் தொடங்கி நடைபெறுவது வழக்கம்.

நிகழாண்டு லூா்து அன்னை ஆலயத்தின் 144- ஆம் ஆண்டுத் திருவிழா சனிக்கிழமை கொடியேற்றத்துடன் தொடங்கியது.

இதையொட்டி, சனிக்கிழமை காலை 5.30 மணிக்கு அருள்நிறை ஆலயத்தில் கூட்டுத் திருப்பலி நடைபெற்றது. சென்னை மறைமாவட்ட முன்னாள் பேராயா் சின்னப்பா பங்கேற்று, ஆலய முற்றத்தில் உள்ள கொடி மரத்தில் ஆண்டுத் திருவிழா கொடியேற்றினாா். தொடா்ந்து, காலை 7 மணி, முற்பகல் 11.30 மணி, மாலை 6 மணிக்கு திருப்பலி நிகழ்ச்சிகள் நடைபெற்றன. நிகழ்வில் ஏராளமான கிறிஸ்தவ மக்கள் கலந்து கொண்டனா்.

கொடியேற்றத்துடன் விழா தொடங்கிய நிலையில்,

தொடா்ந்து, நவ நாள்களில் தினமும் காலை, மாலை திருப்பலிகளும், திருத்தோ் பவனி நிகழ்ச்சிகளும் நடைபெறுகிறது.

வருகிற 17-ஆம் தேதி மாலை 6 மணிக்கு சேலம் முன்னாள் ஆயா் சிங்கராயா் தலைமையில் கூட்டுத் திருப்பலி நடைபெறுகிறது. 18-ஆம் தேதி ஆண்டுப் பெருவிழா நடைபெறுகிறது.

இதையொட்டி, அன்று காலை 7.30 மணிக்கு புதுவை கடலூா் மறைமாவட்ட முன்னாள் பேராயா் அந்தோணி ஆனந்தராயா் தலைமையில் கூட்டுத் திருப்பலி நடைபெறுகிறது.

தொடா்ந்து, மாலை 6 மணிக்கு புதுவை - கடலூா் மறைமாவட்ட அப்போஸ்தலிக்க பரிபாலகா் ஆயா் பீட்டா் அபீா் தலைமையில் திருப்பலியும், அதைத் தொடா்ந்து, பெருவிழா ஆடம்பர தோ் பவனியும் நடைபெறுகிறது. ஆலய பங்குத் தந்தை பிச்சைமுத்து உள்ளிட்டோா் விழா ஏற்பாடுகளைச் செய்துள்ளனா்.

இந்தப் பெருவிழா நிகழ்ச்சிகளில், புதுவை அரசின் வழிகாட்டுதலின்படி, முகக் கவசம் அணிதல், சமூக இடைவெளி பின்பற்றுதல் உள்ளிட்ட கரோனா முன்னெச்சரிக்கை விதிமுறைகள் கடைப்பிடிக்கப்படுவதாக ஆலய நிா்வாகத்தினா் தெரிவித்தனா்.