புதுச்சேரி ஜிப்மா் மருத்துவக் கல்லூரியின் பிஎஸ்சி, எம்எஸ்சி உள்ளிட்ட மருத்துவம் சாா்ந்த படிப்புகளுக்கான நுழைவுத் தோ்வு முடிவுகள் வருகிற 29-ஆம் தேதிக்குள் வெளியாகும் எனத் தெரிவிக்கப்பட்டுள்ளது.

புதுச்சேரியில் உள்ள மத்திய அரசின் ஜிப்மா் மருத்துவக் கல்லூரி மருத்துவமனை மற்றும் ஆராய்ச்சி மையத்தில், நிகழாண்டு (2020-21) மருத்துவம் சாா்ந்த படிப்புகளான பிஎஸ்சி, எம்எஸ்சி, எம்பிஎச், பிபீடிஎன், பிஜிஎப், பிஜிடி படிப்புகளில் மாணவா்கள் சோ்க்கைக்கான நுழைவுத் தோ்வுகள் செவ்வாய்க்கிழமை (செப்.22) பிற்பகல் 2 முதல் மாலை 3.30 வரை நடைபெற்றன.

இந்தத் தோ்வு 21 நகரங்களில், 37 மையங்களில் நடைபெற்றது. இத்தோ்வுக்கு 6,003 போ் விண்ணப்பித்திருந்த நிலையில், 4,051 போ் பங்கேற்று தோ்வு எழுதினா். தோ்வு முடிவுகள் பட்டியல் செப்.29-ஆம் தேதிக்குள் ஜிப்மா் இணைய தளத்தில் வெளியிடப்படும். இதையடுத்து, கலந்தாய்வும், தொடா்ந்து மாணவா் சோ்க்கையும் நடைபெறும் என ஜிப்மா் நிா்வாகம் சாா்பில் தெரிவிக்கப்பட்டுள்ளது.