கள்ளக்குறிச்சியிலிருந்து சிறுவங்கூா் எல்லையிலுள்ள அரசு மருத்துவக் கல்லூரி மருத்துவமனைக்கு கூடுதலாக அரசு நகரப் பேருந்துகள் இயக்கப்பட வேண்டும் என்று பொதுமக்கள் கோரிக்கை விடுத்தனா்.
கள்ளக்குறிச்சியை அடுத்த சிறுவங்கூா் எல்லையில் கள்ளக்குறிச்சி மாவட்ட அரசு மருத்துவக் கல்லூரி செயல்பட்டு வருகிறது. கள்ளக்குறிச்சியில் இருந்து அரசு மருத்துவக் கல்லூரி மருத்துவமனை 5 கி.மீ. தொலைவில் உள்ளது. சிறுவங்கூா், அகரகோட்டலாம், பழைய சிறுவங்கூா் செல்லும் நகரப் பேருந்துகளில் மட்டுமே மருத்துவக் கல்லூரி மருத்துவமனை பகுதி வழியாக செல்கின்றன.
குறிப்பிட கால இடைவெளியில் இந்தப் பேருந்துகள் இயக்கப்படும் நிலையில், கள்ளக்குறிச்சியிலிருந்து மருத்துவக் கல்லூரி மருத்துவனைக்கு அரசு நகரப் பேருந்துகள் இயக்கப்பட வேண்டும் என்று பொதுமக்கள் கோரிக்கை விடுத்தனா்.