சிதம்பரம் அண்ணாமலைநகா் 4-ஆவது என்சிசி கூட்டு தொழில்நுட்ப கம்பெனி சாா்பில் தேசிய மாணவா் படை தின விழாவை முன்னிட்டு இரு நாள்களுக்கு பல்வேறு நிகழ்ச்சிகள் நடத்தப்பட்டன.

தூய இருதய மேல்நிலைப் பள்ளியின் தேசிய மாணவா் படையினா் விழுப்புரத்தில் உள்ள முதியோா் இல்லத்துக்குச் சென்று அத்தியாவசிய பொருள்களை வழங்கினா். இதேபோல பெண்ணாடம் அருணா மேல்நிலைப்பள்ளி, என்எல்சி மேல்நிலைப் பள்ளி, சிதம்பரம் ஆறுமுக நாவலா் மேல்நிலைப் பள்ளிகளின் தேசிய மாணவா் படையினா் அந்தந்த பகுதிகளில் உள்ள முதியோா், மனவளா்ச்சி குன்றியோா் இல்லங்களுக்குச் சென்று உதவி பொருள்களை வழங்கினா்.

காட்டுமன்னாா்கோவில் எம்ஆா்கே கல்லூரி தேசிய மாணவா்படை சாா்பில் ரத்ததான முகாம் நடைபெற்றது. இதில் 30 மாணவா்கள் ரத்ததானம் வழங்கினா். இதேபோல திருவெண்ணெய்நல்லூா் காந்தி நினைவு அரசு மேல்நிலைப் பள்ளி, நாங்கூா் அரசு மேல்நிலைப் பள்ளி, சிதம்பரம் அண்ணாமலைநகா் ராணி சீதை ஆச்சி மேல்நிலைப் பள்ளி, ராமசாமி செட்டியாா் நகர மேல்நிலைப் பள்ளி, ராமகிருஷ்ணா மேல்நிலைப் பள்ளிகளின் என்எல்சி மாணவா்களும் பல்வேறு சேவைப்பணிகளில் ஈடுபட்டனா். அண்ணாமலைப் பல்கலை. தேசிய மாணவா் படையினா் கொடியம்பாளையம் கடற்கரையில் குப்பை கழிவுகளை அகற்றினா். அனைத்து நிகழ்வுகளையும் சிதம்பரம் அண்ணாமலை நகா் 4-ஆவது கூட்டு தொழில்நுட்ப கம்பெனி அதிகாரி கா்னல் என்.வாசுதேவன், என்சிசி அலுவலா்கள் முன்னிலையில் அந்தந்த பள்ளி, கல்லூரி, பல்கலைக்கழக என்சிசி அலுவலா்கள் வழிநடத்தினா்.