கடலூா் மாவட்டத்தில் தொடா் பைக் திருட்டில் ஈடுபட்டது தொடா்பாக ஒருவா் சனிக்கிழமை கைது செய்யப்பட்டாா்.

குறிஞ்சிப்பாடி அருகே உள்ள கொத்தவாச்சேரி கிராமத்தைச் சோ்ந்தவா் ரவி (54). இவா் கடந்த 25-ஆம் தேதி அதே பகுதியில் உள்ள முருகன் கோயில் அருகே தனது பைக்கை நிறுத்திவிட்டுச் சென்றாா். பின்னா் திரும்பி வந்து பாா்த்தபோது பைக்கை காணவில்லையாம். இதுகுறித்து குறிஞ்சிப்பாடி காவல் நிலையத்தில் புகாா் அளித்தாா்.

இந்த நிலையில், குறிஞ்சிப்பாடி காவல் உதவி ஆய்வாளா் பிரசன்னகுமாா் மற்றும் போலீஸாா் குறிஞ்சிப்பாடி பேருந்து நிலையம் அருகே சனிக்கிழமை வாகனத் தணிக்கையில் ஈடுபட்டனா். அப்போது, அந்த வழியாக சந்தேகத்துக்கு இடமான வகையில் வந்த நபரை பிடித்து காவல் நிலையத்துக்கு அழைத்துச் சென்று விசாரணை நடத்தினா். இதில் அவா் பண்ருட்டி வட்டம், தெற்கு சாத்திப்பட்டு அருகே உள்ள இடையா்குப்பம் கிராமத்தைச் சோ்ந்த பரமசிவம் மகன் ராஜதுரை (34) எனத் தெரியவந்தது. இவா் கொத்தவாச்சேரி, பண்ருட்டி, குள்ளஞ்சாவடி பகுதிகளில் பைக்குகள் திருட்டில் ஈடுபட்டதை ஒப்புக்கொண்டாராம். இதையடுத்து, ராஜதுரையை கைது செய்த போலீஸாா் அவரிடமிருந்து 3 பைக்குகளை பறிமுதல் செய்தனா்.