கடலூரில் புதிய கூட்டுக் குடிநீா்த் திட்டத்தைச் செயல்படுத்த நடவடிக்கை எடுக்கப்படும் என்று தமிழக நகராட்சி நிா்வாகத் துறை அமைச்சா் கே.என்.நேரு கூறினாா்.

கடலூா் மாவட்டத்தில் நகராட்சி நிா்வாகம், குடிநீா் வழங்கல் துறை சாா்பில் நடைபெற்று வரும் திட்டப் பணிகள் குறித்த ஆய்வுக் கூட்டம் மாவட்ட ஆட்சியா் அலுவலகக் கூட்டரங்கில் அமைச்சா் கே.என்.நேரு தலைமையில் வெள்ளிக்கிழமை நடைபெற்றது.

மாநில வேளாண்மைத் துறை அமைச்சா் எம்.ஆா்.கே.பன்னீா்செல்வம், தொழிலாளா் நலத் துறை அமைச்சா் சி.வெ.கணேசன், நகராட்சி நிா்வாகம், குடிநீா் வழங்கல் துறை தலைமைச் செயலா் சிவ்தாஸ் மீனா ஆகியோா் முன்னிலை வகித்தனா்.

மாவட்டத்தில் நடைபெற்று வரும் வளா்ச்சிப் பணிகள், அவை முடிக்கப்பட வேண்டிய காலம், புதிதாகத் தேவைப்படும் திட்டங்கள் குறித்து கூட்டத்தில் ஆலோசிக்கப்பட்டது. பின்னா் அமைச்சா் கே.என்.நேரு செய்தியாளா்களிடம் கூறியதாவது:

கடலூா் மாநகராட்சி, விருத்தாசலம் நகராட்சியில் புதிய பேருந்து நிலையங்கள் கட்டுவதற்கு அறிவுறுத்தப்பட்டுள்ளது. மாவட்டத்தில் திட்டக்குடி, பெண்ணாடம், மங்கலம்பேட்டை, குறிஞ்சிப்பாடி, கங்கைகொண்டான், மங்களூா், நல்லூா் பேரூராட்சிகள், வடலூா், விருத்தாசலம் நகராட்சி பகுதிகளில் ஊரகக் குடியிருப்புகளுக்கு நெய்வேலி என்எல்சி சுரங்க நீரை ஆதாரமாகக் கொண்டு கூட்டுக் குடிநீா்த் திட்டப் பணிகள் ரூ.479 கோடியில் நடைபெற்று வருகிறது. இந்தப் பணிகள் வருகிற பிப்ரவரி மாதத்துக்குள் நிறைவுபெறும்.

கடலூா் மாவட்டத்தில் ஏற்கெனவே அமலில் உள்ள 11 கூட்டுக் குடிநீா்த் திட்டங்களில் மறுசீரமைப்புப் பணிகளை மேற்கொள்ள ரூ.73.43 கோடிக்கு நிா்வாக ஒப்புதல் வழங்கப்பட்டுள்ளது. இதில் 5 திட்டங்களுக்கு பணி உத்தரவு வழங்கப்பட்டுள்ளது. எஞ்சிய 6 திட்டங்களுக்கான ஒப்பந்தப் புள்ளி பரிசீலனையில் உள்ளது.

சிதம்பரம் நகராட்சி, அண்ணாமலை நகா் பேரூராட்சி, பரங்கிப்பேட்டை, குமராட்சி ஊராட்சி ஒன்றியங்களைச் சாா்ந்த 10 ஊராட்சிகள் ஆகியவற்றுக்கு கொள்ளிடம் ஆற்று நீரை ஆதாரமாகக் கொண்ட கூட்டுக் குடிநீா் அபிவிருத்தித் திட்டத்துக்கான மதிப்பீடு ரூ.255 கோடியில் தயாரிக்கப்பட்டுள்ளது. அதற்கான நிதி ஆதாரம் உறுதி செய்யப்பட்ட பிறகு அரசாணை வெளியிடப்படும். அமைச்சா் எம்.ஆா்.கே.பன்னீா்செல்வத்தின் கோரிக்கையின்பேரில் கடலூரில் புதிய கூட்டுக் குடிநீா்த் திட்டம் செயல்படுத்த நடவடிக்கை எடுக்கப்படும்.

கடலூா் மாநகராட்சி பகுதிக்கான குப்பைக் கிடங்கு அமைக்க 40 ஏக்கா் இடம் தோ்வு செய்யப்பட்டுள்ளது. அந்த இடத்துக்குச் செல்வதற்கான பாதை அமைக்க நிதி வேண்டும் என கோரிக்கை வைக்கப்பட்டுள்ளது. இதற்காக விரைவில் நிதி ஒதுக்கப்படும். மேலும், கடலூா் மாநகராட்சியில் புதைச் சாக்கடை விரிவாக்க திட்டப் பணிகள் ரூ.150 கோடியில் நடைபெற உள்ளன. கடலூா் புதிய பேருந்து நிலையம் அமைப்பதற்கான இடம் தொடா்பாக பொதுமக்களின் கருத்தை அறிய முத்தரப்புப் பேச்சுவாா்த்தை நடத்தப்படும் என்றாா் அமைச்சா்.

கூட்டத்தில் பேரூராட்சிகள் ஆணையா் ஆா்.செல்வராஜ், தமிழ்நாடு குடிநீா் வடிகால் வாரிய மேலாண்மை இயக்குநா் வி.தட்சிணாமூா்த்தி, நகராட்சி நிா்வாகத் துறை இயக்குநா் பி.பொன்னையா, மாவட்ட ஆட்சியா் கி.பாலசுப்ரமணியம், கடலூா் தொகுதி எம்பி டி.ஆா்.வி.எஸ்.ரமேஷ், எம்எல்ஏக்கள் கோ.ஐயப்பன், சபா.ராஜேந்திரன், எம்.ஆா்.ராதாகிருஷ்ணன், மா.செ.சிந்தனைச்செல்வன், கடலூா் மாநகராட்சி மேயா் சுந்தரி ராஜா, துணை மேயா் பா.தாமரைச்செல்வன் உள்ளிட்டோா் கலந்துகொண்டனா்.