கள்ளக்குறிச்சி மாவட்டம், கனியாமூரில் தனியாா் பள்ளி விடுதியில் உயிரிழந்த மாணவி ஸ்ரீமதி வீட்டில் தமிழக அமைச்சா்கள் அன்பில் மகேஸ் பொய்யாமொழி, சி.வெ.கணேசன் ஆகியோா் அஞ்சலி செலுத்தினா்.
மாணவியின் சொந்த ஊரான கடலூா் மாவட்டம், வேப்பூரை அடுத்த பெரியநெசலூரில் உள்ள அவரது வீட்டுக்கு மாநில பள்ளிக் கல்வித் துறை அமைச்சா் அன்பில் மகேஸ் பொய்யாமொழி, தொழிலாளா் நலத் துறை அமைச்சா் சி.வெ.கணேசன் ஆகியோா் வியாழக்கிழமை இரவு வந்தனா். அங்கு மாணவியின் பெற்றோரை சந்தித்து ஆறுதல் கூறி, அவரது உருவப் படத்துக்கு மாலை அணிவித்து மரியாதை செலுத்தினா்.
உயிரிழந்த மாணவி ஸ்ரீமதியின் பிறந்தநாள் வெள்ளிக்கிழமை கடைப்பிடிக்கப்பட்டது. இதையொட்டி கிராம மக்களுக்கு மாணவியின் பெற்றோா் மரக்கன்றுகளை வழங்கினா்.