கடலூா் மாவட்டம், குள்ளஞ்சாவடி அருகே கடன் தொல்லையால் பெண் தற்கொலை செய்துகொண்டாா்.

குள்ளஞ்சாவடி அருகே உள்ள அனுகம்பட்டு கிராமத்தைச் சோ்ந்தவா் செல்வராஜ் (50). டீக்கடை நடத்தி வருகிறாா். இவரது மனைவி ஜெயந்தி(45). இவா்கள் கடந்த இரண்டு ஆண்டுகளுக்கு முன்னா் தனியாா் நிதி நிறுவனத்தில் ரூ.6 லட்சம் வரை கடன் பெற்று வீடு கட்டினராம். இதற்கான மாத தவணைத் தொகையை தொடா்ந்து செலுத்துவதில் சிரமம் ஏற்பட்டதாம். இந்த நிலையில், அந்த நிதி நிறுவன ஊழியா் ஒருவா் தவணை தொகையை வசூலிப்பதற்காக ஜெயந்தியின் வீட்டுக்கு வந்து சென்றாராம். இந்த நிலையில், ஜெயந்தி வெள்ளிக்கிழமை இரவு தனது வீட்டில் தூக்கிட்டு தற்கொலை செய்துகொண்டாா்.

இதுகுறித்து ஜெயந்தியின் தந்தை கணேசன் அளித்த புகாரின்பேரில் குள்ளஞ்சாவடி போலீஸாா் விசாரணை நடத்தி வருகின்றனா்.