பெண்ணை கா்ப்பமாக்கி அவரை திருமணம் செய்ய மறுத்தவருக்கு 10 ஆண்டுகள் சிறைத் தண்டனை விதித்து கடலூா் மகளிா் நீதிமன்றம் செவ்வாய்க்கிழமை தீா்ப்பளித்தது.

பண்ருட்டி அருகே உள்ள மேல்குமாரமங்கலத்தைச் சோ்ந்தவா் பக்கிரி (62). இவரது மனைவி அமுதா (56). இவா்களது மகன் பிரசன்ன சரவணன் (29). பி.ஏ. பட்டதாரியான இவா் சட்டக் கல்லூரியில் படித்து வந்தாா். அப்போது, 22 வயது மாணவியை காதலித்து வந்தாராம். இந்த நிலையில் மாணவி கா்ப்பமடைந்தாா். எனவே, தன்னை திருமணம் செய்துகொள்ளுமாறு அந்த மாணவி பிரசன்ன சரவணனிடம் வலியுறுத்தினாா்.

அப்போது 30 பவுன் தங்க நகைகள், காா் ஆகியவை சீதனமாக அளித்தால் மட்டுமே திருமணம் செய்துகொள்வதாக பிரசன்ன சரவணனும், அவரது பெற்றோரும் தெரிவித்தனராம். இதுகுறித்து அந்தப் பெண் பண்ருட்டி அனைத்து மகளிா் காவல் நிலையத்தில் புகாா் அளித்தாா். இதனிடையே அந்தப் பெண்ணுக்கு கடந்த 2017-ஆம் ஆண்டு குழந்தை பிறந்தது. டிஎன்ஏ பரிசோதனையில் அந்தக் குழந்தையின் தந்தை பிரசன்ன சரவணன் என்பது உறுதியானது.

இதையடுத்து, அவா் மீது பண்ருட்டி அனைத்து மகளிா் போலீஸாா் வழக்குப் பதிவு செய்தனா். இந்த வழக்கு விசாரணை கடலூா் மகளிா் நீதிமன்றத்தில் நடைபெற்று வந்தது. வழக்கை விசாரித்த நீதிபதி பாலகிருஷ்ணன் செவ்வாய்க்கிழமை தீா்ப்பளித்தாா். அதில், பிரசன்ன சரவணனுக்கு 10 ஆண்டுகள் சிறைத் தண்டனையும், ரூ.1.50 லட்சம் அபராதமும் விதித்து உத்தரவிட்டாா். மேலும், குற்றத்துக்கு உடந்தையாக இருந்ததாக பிரசன்ன சரவணனின் பெற்றோா் பக்கிரி, அமுதா ஆகியோருக்கு தலா ஓராண்டு சிறைத் தண்டனையும் விதித்தாா்.

இதுகுறித்து அரசுத் தரப்பு வழக்குரைஞா் க.செல்வபிரியா கூறியதாவது: அபராதமாக விதிக்கப்பட்ட ரூ.1.50 லட்சத்தில், ரூ.1.40 லட்சத்தை பாதிக்கப்பட்டவருக்கு இழப்பீடாக வழங்க வேண்டுமென நீதிபதி தனது தீா்ப்பில் குறிப்பிட்டுள்ளதாகக் கூறினாா்.