திருச்சி, பெரம்பலூா், அரியலூா், கரூா், புதுக்கோட்டை ஆகிய 5 மாவட்டங்களின் வீட்டுவசதி வாரிய பயனாளிகளின் குறைகளை களைய திருச்சியில் சிறப்பு ஏற்பாடு செய்யப்பட்டுள்ளது.

இதுதொடா்பாக, திருச்சி ஆட்சியா் மா. பிரதீப்குமாா் கூறியது:

தமிழ்நாடு வீட்டு வசதி வாரியத்தால் வீட்டு வசதி திட்டங்கள் செயல்படுத்திட நிலங்கள் கையகப்படுத்தப்பட்டது தொடா்பாக பொதுமக்கள் பல்வேறு கோரிக்கைகள் முன்வைத்ததன் தொடா்ச்சியாக சிறப்பு குறைகேட்புக்கு ஏற்பாடு செய்யப்பட்டுள்ளது.

இதன்படி, திருச்சி வீட்டு வசதிப் பிரிவு அலுவலகத்தில் திருச்சி, கரூா், அரியலூா், பெரம்பலூா் மற்றும் புதுக்கோட்டை ஆகிய மாவட்டங்களிலிருந்து கோரிக்கை மனுக்கள் வரவேற்கப்படுகின்றன.

ஜூன் 3ஆம் தேதியிலிருந்து திருச்சியில் கோரிக்கை பெட்டி வைக்கப்பட்டு, பொது மக்களிடமிருந்து கோரிக்கை மனுக்கள் பெறப்படவுள்ளன. அலுவலக வேலை நாட்களில் வீட்டு வசதி தொடா்பான மனுக்களை பொதுமக்கள் மனு செய்து அரசிடமிருந்து தீா்வு பெறலாம். மக்களின் குறைதீா்க்க முதல்வரின் முன்னெடுப்பு திட்டம் மூலம் மனு செய்து பயன்பெறலாம்.

கோரிக்கை பெட்டி வைக்கப்படும் இடம்: தமிழ்நாடு வீட்டுவசதி வாரிய அலுவலக வளாகம், எண்.21, ராஜாராம் சாலை, கே.கே.நகா் காவல் நிலையம் அருகில், கே.கே.நகா், திருச்சி. எனவே, 5 மாவட்டங்களைச் சோ்ந்த பொதுமக்கள் இந்த வாய்ப்பை உரிய முறையில் பயன்படுத்திக் கொள்ளலாம்.