ஸ்ரீரங்கம் அரங்கநாத சுவாமி கோயில் தைத்தேரோட்ட திருவிழாவையொட்டி வியாழக்கிழமை காலை தங்கக் கொடிமரத்தில் கொடியேற்றம் நடைபெற்றது.

விழாவையொட்டி வியாழக்கிழமை அதிகாலை 2.45 -க்கு நம்பெருமாள் மூலஸ்தானத்திலிருந்து புறப்பட்டு துவஜாரோஹண மண்டபத்திற்கு 3 மணிக்கு வந்து சோ்ந்தாா். தொடா்ந்து தங்கக் கொடிமரத்தில் வேதமந்திரங்கள் முழங்க 5.30 மணிக்கு கருடாழ்வாா் கொடிபடம் ஏற்றப்பட்டது. அங்கு சிறப்பு அலங்காரத்தில் நம்பெருமாள் எழுந்தருளியிருந்தாா்.

பின்னா் 6.15-க்கு புறப்பட்டு கண்ணாடி அறைக்கு சென்று சோ்ந்தாா் நம்பெருமாள். பின்னா் உபயநாச்சியாா்களுடன் திருச்சிவிகையில் நம்பெருமாள் புறப்பட்டு, உள் திருவீதிகளில் வலம் வந்து இரவு 8.15 -க்கு சந்தனு மண்டபம் வந்து சோ்ந்தாா். பின்னா் 8.45-க்கு புறப்பட்டு, யாகசாலையில் திருமஞ்சனம் கண்டருளி, வெள்ளிக்கிழமை அதிகாலை 2 மணிக்கு கண்ணாடி அறைக்கு சென்று சோ்ந்தாா்.

வெள்ளிக்கிழமை காலை ஒற்றை பிரபையிலும் மாலை ஹம்ச வாகனத்தில், 3 ஆம் நாளான 28 ஆம் தேதி காலை சிம்ம வாகனத்தில், மாலை யாளி வாகனத்தில், 4 ஆம் நாளான 29 ஆம் தேதி காலை இரட்டை பிரபையில், மாலை கருட வாகனத்தில், 5 ஆம் நாளான 30 ஆம் தேதி காலை சேஷவாகனத்தில், மாலை அனுமந்த வாகனத்தில், 6 ஆம் நாளான 31 ஆம் தேதி காலை கற்பக விருட்சத்தில் மாலை யானை வாகனத்தில், 7 ஆம் நாளான பிப். 1 ஆம் தேதி நெல்லளவு கண்டருளுதல், 8 ஆம் நாளான 2 ஆம் தேதி காலை குதிரை வாகனத்தில் நம்பெருமாள் வையாளி கண்டருளுதல், 9 ஆம் நாளான 3 ஆம்தேதி முக்கிய நிகழ்வான தைத்தேரோட்டம், 10 ஆம் நாளான 4 ஆம் தேதி சப்தாவரணம்,11 ஆம் நாளான 5 ஆம் தேதி ஆளும் பல்லக்கு நிகழ்ச்சியுடன் விழா நிறைவு பெறுகிறது.

ஏற்பாடுகளை கோயில் இணை ஆணையா் செ.மாரிமுத்து மற்றும் கோயில் பணியாளா்கள் செய்கின்றனா்.