தமிழகத்தில் இஸ்லாமியா்களின் பங்களிப்புகளை வரலாற்றுப் பதிவாக்க வேண்டும் என்றாா் அழகப்பா பல்கலைக்கழகத்தின் முன்னாள் துணைவேந்தா் என். ராஜேந்திரன்.

திருச்சி ஜமால் முகமது கல்லூரியின் முதுகலைத் தமிழாய்வுத்துறை, முதுகலை வரலாற்றாய்வுத் துறை, இஸ்லாமியத் தமிழ்ப் பண்பாட்டு ஆய்வு மையம் ஆகியவை இணைந்து தமிழக முஸ்லிம்களின் வரலாறு, பண்பாடு இலக்கியம் என்ற தலைப்பில் செவ்வாய்க்கிழமை நடத்திய பன்னாட்டுக் கருத்தரங்கத்தை தொடக்கி வைத்து, மேலும் அவா் பேசியது:

எந்தவொரு நாட்டுக்கும், சமூகத்துக்கும் வரலாறு என்பது முக்கியமானது. வரலாற்று வரைவியல்தான் உரைகல்லாக விளங்கும். சமுதாயத்துக்கு நினைவாற்றல் என்பது குறைவுதான்.

இச்சூழலில் வரலாற்றுப் பதிவுகள்தான் அடுத்தடுத்த தலைமுறைக்கு உண்மை செய்திகளைக் கொண்டு சோ்க்கும். தமிழகத்தில் இஸ்லாமியா்களின் பங்களிப்புகளை வரலாற்றுப் பதிவாக்க வேண்டும்.

கல்வெட்டுகள், ஓலைச் சுவடிகள், தொல்பொருள் ஆய்வுகளில் பல்வேறு ஆதாரங்கள் உள்ளன. அவற்றை ஆய்வுக்குள்படுத்தி இஸ்லாமியா்களின் பங்களிப்பை ஆய்வுக் கட்டுரைகளாகவும், நூல்களாகவும் வெளிக் கொணர வேண்டும்.

அறிவியலும், வரலாறும் ஒன்றுக்கு ஒன்று தொடா்புடையவை. கேள்வி எழுவதால் கிடைப்பது வரலாறும், அறிவியலும் மட்டுமே. இத்தகைய வழிமுறையில்தான் நமது கல்வியையும் வகுத்துள்ளோம்.

வணிகம் செய்வதற்கும், வா்த்தகத் தொடா்பு நடவடிக்கைகளுக்கும் இங்கு வந்த அரபியா்கள்தான் இஸ்லாத்தை பரப்பியுள்ளனா். குா்-ஆனையும், முகமது நபிகளின் பொன்மொழியையும் தவறாமல் பின்பற்றி, பிறரையும் பின்பற்றச் செய்துள்ளனா். தமிழகத்தில் இஸ்லாமியா்களின் பங்களிப்பு அளப்பரியது. மாநிலத்தின் வளா்ச்சியுடன் இரண்டற கலந்துள்ளது. அவற்றை வெளிக்கொணர வேண்டும் என்றாா் அவா்.

திருச்சி பாரதிதாசன் பல்கலைக்கழகத் தமிழியல் துறைத் தலைவா் உ. அலிபாவா பேசியது:

1,400 ஆண்டுகளுக்கு முன்பே தமிழகத்தில் இஸ்லாம் இருந்துள்ளது. சங்க இலக்கியங்களில் இதற்கான குறிப்புகள் பல இடங்களில் எடுத்துக்காட்டுகிறது.

தொல்காப்பியம், மணிமேகலையிலும் இதற்கான ஆதாரம் உள்ளது. கல்வெட்டுகள் பலவும் சான்றாக உள்ளன. திருச்சி கல்லுப்பள்ளியிலும், சேரன்மகாதேவி உள்ளிட்ட பகுதிகளிலும் கிடைத்த கல்வெட்டுகள் இன்றளவும் இஸ்லாமியா்களின் பங்களிப்பை எடுத்துக்காட்டுகின்றன.

அகநானூறு, பத்துப்பாட்டு, மதுரைக் காஞ்சி, நெடுநெல்வாடை என பல இலக்கியங்களிலும் இஸ்லாமியா்கள் குறித்த குறிப்புகள் உள்ளன. கல்வெட்டுகளாக கிடைத்தவை சில மட்டுமே. செவி வழி செய்திகளாக கிடைத்தவை ஏராளம். அவற்றையெல்லாம் தொகுத்து, ஆராய்ந்து அதிகளவில் நூல்களையும், கட்டுரைகளையும் வெளிக் கொணர வேண்டியதை வரலாறு மற்றும் தமிழ் ஆய்வுத்துறை பேராசிரியா்கள், மாணவா்கள் தங்களது கடமையாக ஏற்றுக் கொள்ள வேண்டும் என்றாா்.

முன்னதாக, கருத்தரங்க ஆய்வு சிறப்பிதழை முன்னாள் துணைவேந்தா் ராஜேந்திரன் வெளியிட்டாா். இக் கருத்தரங்கத்துக்கு கல்லூரியின் முதல்வா் எஸ். இஸ்மாயில் முகைதீன் தலைமை வகித்தாா். முதுகலைத் தமிழாய்வுத்துறைத் தலைவரும், கலைப்புல முதன்மையருமான அ. சையத் ஜாகீா் ஹசன் வரவேற்றாா்.

கல்லூரிச் செயலரும், தாளாளருமான அ.கா. காஜா நஜீமுதீன், உதவிச் செயலா் க. அப்துஸ் சமது ஆகியோா் வாழ்த்திப் பேசினா். இஸ்லாமியத் தமிழ்ப் பண்பாட்டு ஆய்வு மைய இயக்குநா் ஜெ. ராஜா முகமது, முதுகலை வரலாற்றாய்வுத் துறைத் தலைவா் அ. அக்பா் உசேன், கருத்தரங்க அமைப்புச் செயலா்கள் கா. முகமது இஸ்மாயில், தா. உமா் சாதிக், சையது அகமது பிரோசு உள்ளிட்டோா் கருத்தரங்கின் நோக்கம் மற்றும் எதிா்பாா்ப்புகள் குறித்து விளக்கிப் பேசினா்.

இக் கருத்தரங்கில், பல்வேறு மாநிலங்களைச் சோ்ந்த பேராசிரியா்கள், ஆய்வு மாணவா்கள் பங்கேற்று 54 ஆய்வுக் கட்டுரைகளை சமா்ப்பித்து பேசினா்.