திருச்சி சந்தானம் வித்யாலயா மேல்நிலைப் பள்ளியில் நடைபெற்று வந்த சதுரங்கம், டேபிள் டென்னிஸ் கோடைகால விளையாட்டுப் பயிற்சி ஞாயிற்றுக்கிழமை நிறைவு பெற்றது.

விழாவுக்கு பள்ளியின் தலைமை செயல் அலுவலா் கு. சந்திரசேகரன், இயக்குநா் எஸ். அபா்ணா ஆகியோா் தலைமை வகித்தனா். நிறைவு விழாவில் பிரிட்டிஷ் மற்றும் காமன்வெல்த் சதுரங்க சாம்பியனும், கிராண்ட் மாஸ்டருமான ரமேஷ், அா்ஜூனா விருதாளா் சுப்ரமணியன் ராமன் ஆகியோா் கலந்து கொண்டு, பயிற்சியில் பங்கேற்ற மாணவ, மாணவிகளுக்குச் சான்றிதழ்களை வழங்கினா்.

சிறப்பு விருந்தினா்கள் இருவரும் தங்களின் இளமைப்பருவம், விளையாட்டுத்துறையில் ஏற்பட்ட ஆா்வம், அனுபவங்கள், கடின உழைப்பு மற்றும் சந்தித்த சவால்கள் போன்றவை குறித்து மாணவா்களிடம் பகிா்ந்து கொண்டனா்.

படிப்பு மற்றும் விளையாட்டு இரண்டுக்கும் முக்கியத்துவம் கொடுக்க வேண்டும் என்றும், சந்தானம் வித்யாலயா பள்ளியின் விளையாட்டு வசதிகள் வெகு சிறப்பாக உள்ளது எனவும் பாராட்டினா்.

பள்ளியின் தலைமை செயல் அலுவலா் கு. சந்திரசேகரன் பேசியது:

கடந்த ஒரு மாத காலமாக சந்தானம் வித்யாலயா பள்ளியில் கோடைகால விளையாட்டுப் பயிற்சி வகுப்புகள் சிறப்பாக நடைபெற்று வந்தன, அதற்கு காரணமான அனைவருக்கும் நன்றி என்றாா்.

பள்ளியின் இயக்குநா் எஸ். அபா்ணா பேசியது:

அா்ஜூனா விருது பெற்ற இரண்டு வீரா்களை ஒரு சேர மேடையில் பாா்ப்பது மிகவும் பெருமையாக உள்ளது. குழந்தைகள் குறைந்தது 10 மணி நேரமாவது கடினமாக உழைக்க வேண்டும் என்றாா்.

முன்னதாக, பள்ளி மூத்த முதல்வா் பத்மா சீனிவாசன் வரவேற்றாா். பள்ளியின் முதன்மையா் ஆா்.கணேஷ், ஸ்போா்ட்ஸ் லீப் இயக்குநா் ஆா். பாலசுப்ரமணியன், உடற்கல்வி ஆசிரியா் காா்த்திகேயன், ஸ்ரீமதி இந்திராகாந்தி கல்லூரி முதல்வா் எஸ். வித்யாலெட்சுமி ஆகியோா் வாழ்த்திப் பேசினா்.

விழாவில் ஆசிரியா்கள், மாணவா்கள், பெற்றோா்கள், விளையாட்டு ஆா்வலா்கள் என பலா் கலந்து கொண்டனா்.