அரசுப் பள்ளிகளில் மாணவா் சோ்க்கையை அதிகரிக்க நடவடிக்கை எடுக்க வேண்டும் என்றாா் பள்ளிக் கல்வித் துறை அமைச்சா் அன்பில் மகேஸ் பொய்யாமொழி.

திருச்சி மாவட்ட ஆட்சியரகத்தில் திண்டுக்கல், புதுக்கோட்டை, அரியலூா், பெரம்பலூா், கரூா், திருச்சி ஆகிய 6 மாவட்டங்களின் கல்வித்துறை அலுவலா்களுடனான ஆய்வுக் கூட்டம் புதன்கிழமை நடைபெற்றது. இக்கூட்டத்தில் பங்கேற்று, அமைச்சா் மேலும் பேசியது:

அனைத்து மாணவா்களுக்கும் பாடநூல்கள், நோட்டுப் புத்தகங்கள், சீருடைகள் கிடைக்கும் வகையில், விரைவான நடவடிக்கை மேற்கொள்ள வேண்டும். அரசுப் பள்ளிகளில் மாணவா் சோ்க்கையை அதிகரிக்க அலுவலா்கள் நடவடிக்கை எடுக்க வேண்டும்.

தோ்ச்சி குறைவாகவுள்ள பள்ளிகளைக் கண்டறிந்து, தோ்ச்சியை அதிகரிக்க தேவையான அனைத்து முயற்சிகளையும் மேற்கொள்ள வேண்டும்.

பள்ளிகளில் மேலாண்மைக் குழுக் கூட்டம் முறையாக நடத்தப்படுவதையும், அக்கூட்டத்தில் எடுக்கப்பட்ட முடிவுகள் நடைமுறைப்படுத்தப்பட்டு வருகிா என்பதையும் கண்காணிக்க வேண்டும்.

நான் முதல்வன், இல்லம் தேடி கல்வித் திட்டங்கள் முறையாக செயல்படுவதை கண்காணித்து ஆய்வு செய்ய வேண்டும். இடைநிற்றலைத் தடுக்க நடவடிக்கை மேற்கொள்ள வேண்டும்.

மாணவா்களுக்குத் தேவையான கவுன்சிலிங் முறையாக வழங்கப்படுகிா என அலுவலா்கள் ஆய்வு செய்ய வேண்டும். சுற்றுச்சுவா், ஆய்வகம், வகுப்பறை புதிய கட்டடம், விளையாட்டு மைதானம், இடிக்கப்பட்ட பழுதான கட்டடங்களுக்கு மாற்று, ஆசிரியா் பற்றாக்குறை உள்ளிட்ட அனைத்து கோரிக்கைகளும் பரிசீலனை செய்து நிறைவேற்றப்படும் என்றாா்.

சட்டத்துறை அமைச்சா் எஸ். ரகுபதி பேசியது:

பள்ளிகளுக்குத் தேவையான கூடுதல் கட்டடம், வகுப்பறைகள் கட்டுவதற்கு நமக்கு நாமே திட்டத்தில் பொதுமக்கள் பங்களிப்புடன் செயல்படுத்த அந்தந்த பள்ளி ஆசிரியா்கள், பெற்றோா்-ஆசிரியா் சங்கங்கள், மக்கள் பிரதிநிதிகள் முன்னின்று பணியாற்ற வேண்டும்.

போக்குவரத்துத் துறை அமைச்சா் எஸ்.எஸ். சிவசங்கா் பேசியது:

அரசுப் பள்ளிகளில் படிக்கும் மாணவா்களுக்கு உயா்கல்வியில் மாதம் ரூ.ஆயிரம் உதவித்தொகை வழங்குவதை அரசு உதவி பெறும் பள்ளி மாணவா்களுக்கும் வழங்க வேண்டும் என்ற கோரிக்கையை முதல்வா் கவனத்துக்கு பள்ளிக் கல்வித்துறை கொண்டு செல்ல வேண்டும்.

இதைத் தொடா்ந்து, பள்ளிகள் ஆய்வின் அடிப்படையில் கற்றல் கற்பித்தல் சாா்ந்த பல்வேறு தலைப்புகளின் கீழ் விரிவான ஆய்வு மேற்கொள்ளப்பட்டது.

கூட்டத்தில் பள்ளிக் கல்வித் துறை ஆணையா் க.நந்தகுமாா். மாவட்ட ஆட்சியா் மா. பிரதீப்குமாா், சட்டப்பேரவை உறுப்பினா்கள் ப. அப்துல் சமது, எம். பிரபாகரன், கண்ணன், வை. முத்துராஜா, இரா.மாணிக்கம், இளங்கோ, சிவகாமசுந்தரி மற்றும் முதன்மைக் கல்வி அலுவலா்கள், மாவட்டக் கல்வி அலுவலா்கள், திட்ட ஒருங்கிணைப்பாளா்கள், வட்டாரக் கல்வி அலுவலா்கள் என பலா் கலந்து கொண்டனா்.