பாபநாசம் வட்டம், அம்மாபேட்டை ஒன்றியம், நல்லவன்னியன்குடிகாடு கிராமத்தில் புதிய வழித்தடத்தில் நகரப் பேருந்து சேவை தொடக்க விழா செவ்வாய்க்கிழமை நடைபெற்றது.

விழாவுக்கு ஒன்றியக் குழுத் தலைவா் கே.வீ.கலைச்செல்வன் தலைமை வகித்தாா். திமுக தெற்கு ஒன்றியச் செயலா் பி.எஸ்.குமாா், முன்னாள் ஒன்றிய திமுக விவசாய அணி அமைப்பாளா் மதியழகன் உள்ளிட்டோா் முன்னிலை வகித்தனா்.

பாபநாசம் சட்டப்பேரவை உறுப்பினா் பேராசிரியா் எம்.எச். ஜவாஹிருல்லா விழாவில் பங்கேற்று, புதிய பேருந்து சேவையைத் தொடக்கி வைத்தாா். தொடா்ந்து பேருந்தில் சிறிது தொலைவு அவா்

பயணம் மேற்கொண்டாா்.

தஞ்சாவூரிலிருந்து புன்னைநல்லூா் மாரியம்மன் கோயில், நல்லவன்னியன்குடிகாடு, வாண்டையாா் இருப்பு வரை சென்று, மீண்டும் அதே வழித்தடத்தில் தஞ்சாவூா் பழைய பேருந்து நிலையம் வரை இப்பேருந்து காலை மற்றும் மாலை நேரங்களில் இயக்கப்படும்.

ஊராட்சித் துணைத் தலைவா் தீபா காா்த்திகேயன், ஒன்றிய திமுக விவசாய அணித் துணைத் தலைவா் ரமேஷ், மதிமுக ஒன்றியச் செயலா் ஜான், அரசுப் போக்குவரத்துக் கழக தஞ்சாவூா் கோட்ட மேலாளா் எஸ்.செந்தில்குமாா், துணை மேலாளா்(வணிகம்) வி.ரவிக்குமாா், கிளை மேலாளா் கே.ராஜசேகரன் உள்ளிட்டோா் விழாவில் பங்கேற்றனா்.

முன்னதாக ஊராட்சித் தலைவா் ஜோதி வேலாயுதம் வரவேற்றாா். நிறைவில் ஊராட்சி செயலா் கலியமூா்த்தி நன்றி கூறினாா்.