புதுக்கோட்டை மாவட்டம், திருமயம் அரசு கலை - அறிவியல் கல்லூரியில் இளநிலை முதலாம் ஆண்டு மாணவா் சோ்க்கை புதன்கிழமை (மே 31) முதல் தொடங்கவுள்ளதாக அதன் முதல்வா் ம. சண்முகவள்ளி அறிவித்துள்ளாா்.

இதுகுறித்து அவா் மேலும் கூறியது:

புதன்கிழமை காலை 10 மணிக்கு முன்னாள் ராணுவ வீரா்களின் வாரிசுகள், மாற்றுத் திறனாளிகள், விளையாட்டு வீரா்கள், அந்தமான் நிகோபாா் தமிழ்க் குடிகள், பாதுகாப்புப் படையினரின் குழந்தைகள் முதலான சிறப்பு ஒதுக்கீட்டு பிரிவுக்கு கலந்தாய்வு நடைபெற உள்ளது.

தொடா்ந்து முதற்கட்ட கலந்தாய்வு ஜூன் 1 வியாழக்கிழமை காலை 10 மணிக்கு பி.காம் - வணிகவியல் பாடப்பிரிவுக்கும், ஜூன் 3 சனிக்கிழமை காலை 10 மணிக்கு பிஎஸ்சி கணினி அறிவியல் மற்றும் பிஎஸ்சி கணிதம் பாடப்பிரிவுகளுக்கும், ஜூன் 6 செவ்வாய்க்கிழமை காலை 10 மணிக்கு பிஏ தமிழ், பிஏ ஆங்கிலப் பாடப்பிரிவுகளுக்கும் மாணவா் சோ்க்கைக்கான கலந்தாய்வு நடைபெறும்.

இரண்டாம் கட்ட கலந்தாய்வு ஜூன் 12 திங்கள்கிழமை காலை 10 மணிக்கு பிகாம் - வணிகவியல் பாடப்பிரிவுக்கும், ஜூன் 14 புதன்கிழமை காலை 10 மணிக்கு பிஎஸ்சி கணினி அறிவியல் மற்றும் பிஎஸ்சி கணிதம் பாடப்பிரிவுகளுக்கும், ஜூன் 16 வெள்ளிக்கிழமை காலை 10 மணிக்கு பிஏ தமிழ், பிஏ ஆங்கிலம் பாடப்பிரிவுகளுக்கும் மாணவா் சோ்க்கைக்கான கலந்தாய்வு நடைபெறும்.