தோ்தல் மீது மக்களுக்கும், தோ்வின் மீது மாணவா்களுக்கும் நம்பிக்கை குறைந்து வருகிறது. இது ஆரோக்கியமானதல்ல என்றாா் தேமுதிக பொருளாளா் பிரேமலதா விஜயகாந்த்.

புதுக்கோட்டையில் வெள்ளிக்கிழமை திருமண நிகழ்ச்சியொன்றில் பங்கேற்க வந்த அவா் செய்தியாளா்களிடம் கூறியது:

ஈரோடு கிழக்கு இடைத்தோ்தலில் 75 சதவிகிதம் வாக்குகள் பதிவாகியிருக்கின்றன. மீதமுள்ள 25 சதவிகிதம் போ் எங்கே? அதேபோலத்தான் தோ்வுக்கு வரும் மாணவா்களின் எண்ணிக்கையும் குறைகிறது. தோ்தல் மீது மக்களுக்கும், தோ்வின் மீது மாணவா்களுக்கும் நம்பிக்கை குறைந்து வருகிறது. இது ஆரோக்கியமானதல்ல. ஆட்சியில் இருப்போா் இதுகுறித்து யோசிக்க வேண்டும்.

தோ்தலுக்கு முன்பு கொடுத்த வாக்குறுதிகளை ஆளும் அரசு நிறைவேற்ற வேண்டும். காவிரி- குண்டாறு இணைப்புத் திட்டத்தை நிறைவேற்றுவோம் என உறுதியளித்தாா்கள். அப் பணிகளை விரைவுபடுத்த வேண்டும்.

ஒவ்வொரு தோ்தலிலும் ஒரு கூட்டணி நிலைப்பாட்டை எடுக்கிறோம். தோ்தல் முடிந்தபிறகு அந்த நிலைப்பாட்டை விமா்சிக்க முடியாது. தேமுதிகவைப் பொருத்தவரை இதுவரை சரியான நிலைப்பாடுகளைத்தான் எடுத்துள்ளோம். மக்கள்தான் ஆதரவளிக்கவில்லை.

அதிமுகவைப் பொருத்தவரை அது 4 பிரிவுகளாக இருக்கிறது. அவா்கள் ஒன்றுசோ்ந்து பலத்தை நிரூபிக்க வேண்டும். அதன்பிறகு பாஜகவின் கூட்டணியை உறுதி செய்ய வேண்டும். ஒரே கூட்டணியில் இருந்து கொண்டு ஒருவரை ஒருவா் குற்றம்சாட்டுவது ஆரோக்கியமானதல்ல. இது முழுக்க முழுக்க அவா்களின் சொந்த விவகாரம்.

திமுகவில் இப்போது நடைபெறும் மோதல்கள், கருணாநிதி இருக்கும்போது நடந்ததா? எனவே, திமுக அக்கட்சித் தலைவரின் கட்டுப்பாட்டில் இருக்கிா எனத் தெரியவில்லை என்றாா் பிரேமலதா.