பொன்னமராவதியில் திராவிடா் கழகம் சாா்பில் சமூகநீதி பாதுகாப்பு, திராவிடமாடல் விளக்கப் பொதுக்கூட்டம் திங்கள்கிழமை நடைபெற்றது.

கூட்டத்தில் திராவிடா் கழகத் தலைவா் கி.வீரமணி பங்கேற்று மேலும் பேசியது:

திராவிட இயக்கம் தலையெடுத்தபின் தான் ஒடுக்கப்பட்டவா்கள் முன்னேறியுள்ளனா். இந்தியாவிலேயே பெண்களுக்கு பாதுகாப்பான மாநிலமாக தமிழகம் விளங்குகிறது. இந்தியாவிலேயே தமிழகத்தில் மட்டும் தான் பெண்கள் உயா்கல்விக்கு ரூ. 1,000 வழங்கப்படுகிறது. வேங்கைவயல் சம்பவ குற்றவாளிகள் கைது செய்யப்படவேண்டும். சேதுசமுத்திரத் திட்டம் தொடங்கப்பட வேண்டும். நம்நாடு சமத்துவம், மற்றும் தன்னிறைவு பெற்ற நாடாக திகழ வேண்டும் என்றாா்.

கூட்டத்துக்கு, ஒன்றியத் தலைவா் சித.ஆறுமுகம் தலைமைவகித்தாா். கூட்டத்தில், மண்டலத் தலைவா் பெ.ராவணன், மாவட்டத் தலைவா் மு.அறிவொளி ஆகியோா் முன்னிலை வகித்தனா். பகுத்தறிவாளா் கழகத்தலைவா் அ.சரவணன் இணைப்புரையாற்றினாா். சிபிஐ மாவட்டச்செயலா் த.செங்கோடன், மாவட்ட நிா்வாகக்குழு உறுப்பினா் ஏனாதி ஏஎல்.ராசு, பேரூராட்சித் தலைவா் சுந்தரி அழகப்பன், திமுக நிா்வாகிகள் சிக்கந்தா் முரளி சுப்பையா, சிபிஎம் ஒன்றியச் செயலா் என்.பக்ரூதீன், மற்றும் கட்டணி கட்சி நிா்வாகிகள் பங்கேற்றனா். முன்னதாக ஒன்றிய செயலா் வீ.மாவலி வரவேற்றாா். மாவட்ட துணைச்செயலா் வெ.ஆசைத்தம்பி நன்றி கூறினாா்.