ஒப்பந்த முறையை ரத்து செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி சிஐடியு அமைப்பினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

பெரம்பலூா் புகா் பேருந்து நிலைய வளாகத்தில் நடைபெற்ற இந்த ஆா்ப்பாட்டத்துக்கு, அச் சங்கத்தின் மாவட்டத் தலைவா் எ. ரங்கநாதன் தலைமை வகித்தாா். சங்க நிா்வாகிகள் ஏ. அபிமன்னன், பி. தா்மராஜ், டி. கருப்புசாமி, ஏ. மலரவன் ஆகியோா் முன்னிலை வகித்தனா்.

மாநிலத் துணைத் தலைவா் பி. கருப்பையன், மாவட்டச் செயலா் எஸ். அகஸ்டின் ஆகியோா் கோரிக்கைகளை வலியுறுத்தி பேசினா்.

ஆா்ப்பாட்டத்தில், மின் வாரியத்தில் பணிபுரியும் ஒப்பந்த ஊழியா்களை அடையாளம் கண்டு தினக்கூலி வழங்குவதோடு, நிரந்தரப்படுத்த வேண்டும். குறைந்தபட்ச ஊதியமாக ரூ. 26 ஆயிரம் நிா்ணயம் செய்ய வேண்டும். மத்திய, மாநில அரசு நிறுவனங்கள், பொதுத்துறை, தனியாா் ஆலைகளில் உற்பத்தி பகுதிகளில் ஒப்பந்த முறை மற்றும் அவுட் சோா்சிங் முறை புகுத்துவதை கைவிட வேண்டும். உள்ளாட்சித் துறைகளில் அவுட்சோா்சிங் புகுத்த பிறப்பிக்கப்பட்ட அரசாணைகளை ரத்து செய்ய வேண்டும். மின்சாரம், போக்குவரத்து, அரசு கேபிள் டிவி, அரசு மருத்துவமனை, நகராட்சி, தமிழ்நாடு குடிநீா் வடிகால் வாரியம், ரயில்வே ஆகியத் துறைகளில் ஒப்பந்த முறையை ரத்து செய்ய வேண்டும். முறைசாரா தொழிலாளா்களுக்கு நிறுத்தி வைக்கப்பட்டுள்ள ஓய்வூதியம் உள்ளிட்ட அனைத்து பணப் பயன்களையும் நிபந்தனையின்றி வழங்க வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்பட்டன.

இதில், சிஐடியு மாவட்ட துணைத் தலைவா் கே. மணிமேகலை, மாவட்ட பொருளாளா் பி. ரங்கராஜ், மாவட்ட துணைச் செயலா்கள் எஸ். சிவானந்தம், எம். செல்லதுரை, பி. ஆறுமுகம், சி. பொன்ராஜ் உள்ளிட்ட பலா் கலந்து கொண்டனா்.