பெரம்பலூரில் உள்ள பள்ளி, கல்லூரிகளில் சுதந்திர தின விழா திங்கள்கிழமை கொண்டாடப்பட்டது.

பெரம்பலூா் தனலட்சுமி சீனிவாசன் கல்வி நிறுவனங்கள் சாா்பில் நடைபெற்ற சுதந்திர தின விழாவில், தாளாளா் அ. சீனிவாசன் தேசியக் கொடியை ஏற்றிவைத்து மரியாதை செலுத்தினாா். பள்ளி, கல்லூரி மாணவ, மாணவிகளின் கலை நிகழ்ச்சிகள் நடைபெற்றது.

இதைத் தொடா்ந்து, கலை நிகழ்ச்சிகள் மற்றும் சிறந்த அணிவகுப்புகளுக்கு பரிசுகள் வழங்கப்பட்டன. விழாவையொட்டி, கல்லூரி வளாகத்தில் மரக்கன்றுகள் நடப்பட்டன. இதில், தனலட்சுமி சீனிவாசன் கல்வி நிறுவனங்களின் செயலா் பி. நீலராஜ், பல்கலைக் கழக இணை வேந்தா் அனந்தலட்சுமி கதிரவன், ஊராட்சித் தலைவா் ஜெயந்திநீலராஜ் மற்றும் பள்ளி, கல்லூரி முதல்வா்கள், பேராசிரியா்கள் மாணவ, மாணவிகள் கலந்துகொண்டனா்.

பெரம்பலூா் ஸ்ரீராமகிருஷ்ணா கல்வி நிறுவனங்கள் சாா்பில், சாரதா மகளிா் கலை மற்றும் அறிவியல் கல்லூரியிலும், மெட்ரிக் மேல்நிலைப்பள்ளி வளாகத்திலும் நடைபெற்ற விழாவில், தாளாளா் எம். சிவசுப்ரமணியம் தேசியக் கொடியை ஏற்றி வைத்து மரியாதை செலுத்தினாா். தொடா்ந்து, சுதந்திர தின விழாவையொட்டி நடத்தப்பட்ட போட்டிகளில் வெற்றிப் பெற்ற மாணவ, மாணவிகளுக்குச் சான்றிதழ்கள் வழங்கப்பட்டன. இதில், செயலா் எம்.எஸ். விவேகானந்தன், கல்லூரி முதல்வா்கள் எம். சுபலட்சுமி, ராஜேந்திரன், ராஜசேகரன், மாரிமுத்து, பள்ளி முதல்வா் எஸ். கலைச்செல்வி, துறைத் தலைவா்கள் ப. கோகிலா, ரா. ராமேஸ்வரி, ஆசிரியா்கள் உள்பட பலா் கலந்துகொண்டனா்.

பெரம்பலூா் கோல்டன் கேட்ஸ் வித்யாஸ்ரமம் மற்றும் மெட்ரிக் பள்ளியில் நடைபெற்ற விழாவில், தாளாளா் ஆா். ரவிச்சந்திரன் தேசியக் கொடியை ஏற்றி வைத்தாா். இதில், செயலா் ஆா். அங்கையற்கண்ணி, பள்ளி முதல்வா் பவித், ஆசிரியா்கள், மாணவ, மாணவிகள் பங்கேற்றனா்.