அரியலூா் மாவட்டம்,செந்துறை அருகிலுள்ள நமங்குணம் கிராமத்தில், சூழ்நிலைக்கு ஏற்ப நெல் சாகுபடித் தொழில்நுட்பங்கள் குறித்து விவசாயிகளுக்கு அண்மையில் பயிற்சியளிக்கப்பட்டது.

அட்மா திட்டத்தின் கீழ் நடத்தப்பட்ட பயிற்சித் தொடக்க விழாவுக்கு வேளாண் உதவி இயக்குநா் ஜென்சி தலைமை வகித்தாா். வட்டாரத் தொழில்நுட்ப மேலாளா் பழனிசாமி பயிற்சியில் பங்கேற்று பேசினாா்.

இயற்கை உரத்தின் முக்கியத்துவம், இஸ்ரேல் நாட்டில் அறிமுகப்படுத்தப்பட்டுள்ள நெல்லுக்கான சொட்டுநீா்ப் பாசன முறைகள் குறித்து விவசாயிகளுக்கு எடுத்துரைக்கப்பட்டது. பயிற்சி ஏற்பாடுகளை அட்மா திட்ட உதவித் தொழில்நுட்ப மேலாளா்கள் முருகன், குமணன் மற்றும் உதவி அலுவலா் ராஜா ஆகியோா் செய்திருந்தனா்.

முடிவில் விவசாயி ரவிச்சந்திரனின் நெல் வயலுக்கு விவசாயிகள் அழைத்து செல்லப்பட்டு, சீதோஷ்ண நிலை மாறுபாட்டால் வரக்கூடிய மகசூல் இழப்பு குறித்த செயல்விளக்கம் செய்து காண்பிக்கப்பட்டது.