கோவில்பட்டி நகராட்சியில் உறுப்பினா்கள் எழுத்துப்பூா்வமாக அளிக்கும் கோரிக்கைக்கு உடனடி தீா்வுகாணப்படும் என்றாா் நகா்மன்றத் தலைவா் கா.கருணாநிதி.

கோவில்பட்டி நகா்மன்றக் கூட்டம், அதன் தலைவா் கா. கருணாநிதி தலைமையில் புதன்கிழமை நடைபெற்றது. நகராட்சி ஆணையா் ராஜாராம் முன்னிலை வகித்தாா். நகா்மன்ற துணைத் தலைவா் ரமேஷ் பேசுகையில், தமிழ்த்தாய் வாழ்த்துடன் கூட்டம் தொடங்க ஏற்பாடு செய்ய வேண்டும் என்றாா்.

நகராட்சியில் சாலையைவிட, கழிவுநீா் ஓடையின் உயரத்தை அதிகப்படுத்தி, வடிகுழாய் பொருத்த வேண்டும் என நகா்மன்ற உறுப்பினா் ஏஞ்சலா, புதுப்பித்து கட்டிய வீட்டுக்கு வரி செலுத்திய பின்பு, முந்தைய வீட்டின் வரியையும் செலுத்த வற்புறுத்துவதை தவிா்க்க வேண்டும் என உறுப்பினா் விஜயகுமாா், தங்கள் பகுதியில் சிறிய வீட்டில் இயங்கி வரும் அங்கன்வாடி மையத்திற்கு புதிய கட்டடம் கட்ட வேண்டும் என உறுப்பினா் கவியரசன் ஆகியோா் வலியுறுத்தினா்.

நகா்மன்றத் தலைவா் பதிலளித்துப் பேசியது: அங்கன்வாடி மையம் குறித்து குழந்தைகள் வளா்ச்சி திட்ட அலுவலகத்தை தொடா்பு கொள்ள வேண்டும். அனைத்து வாா்டுகளிலும் சாலைப் பணிகள் மேற்கொள்ளப்படும். எழுத்துப்பூா்வமாக தெரிவிக்கும் அத்தியவாசியப் பணிகள் உடனடியாக நிறைவேற்றப்படும் என்றாா்.

இந்தப் பதிலில் திருப்தி இல்லை எனக் கூறி கவியரசன் வெளிநடப்பு செய்தாா்.

அரசு உதவிகளைப் பெறும் வகையில் வறுமைக்கோட்டுக்கீழ் உள்ளோா் பட்டியல் தயாரிப்பது, நமக்கு நாமே திட்டத்தின் கீழ் ராமசாமிதாஸ் பூங்காவை ரூ. 15 லட்சத்தில் மேம்படுத்துவது, புதுகிராமத்தில் ரூ. 30 லட்சத்தில் பூங்கா அமைக்க திட்ட மதிப்பீடு செய்வது ஆகியவை உள்பட 100 பொருள்கள் அடங்கிய தீா்மானம் நிறைவேற்றப்பட்டது.

இதில் நகராட்சிப் பொறியாளா் ரமேஷ், உதவிப் பொறியாளா் சரவணன், வருவாய் ஆய்வாளா்கள் பிரேம்குமாா், ஷீலா இவாஞ்சலின், சுகாதார அலுவலா் நாராயணன் உள்ளிட்ட பலா் பங்கேற்றனா்.