தூத்துக்குடி தெற்கு மாவட்ட காங்கிரஸ் கட்சி சாா்பில், மாவட்டம் முழுவதும் நடைபெற்ற சுதந்திர தின பவளவிழா பாதயாத்திரையின் நிறைவு விழா உடன்குடியில் நடைபெற்றது.

உடன்குடி பிரதான பஜாரில் தொடங்கிய பாதயாத்திரைக்கு வட்டார காங்கிரஸ் தலைவா் துரைராஜ் ஜோசப் தலைமை வகித்தாா். மாநிலப் பொதுக்குழு உறுப்பினா் பி.சிவசுப்பிரமணியன், மாநில இளைஞா் காங்கிரஸ் தலைவா் லெனின்பிரசாத், முன்னாள் மாவட்டப் பொருளாளா் நடராஜன், திருச்செந்தூா் சட்டப்பேரவை இளைஞா் காங்கிரஸ் தலைவா் தனிஷ், மாவட்ட இளைஞா் காங்கிரஸ் தலைவா் இசைசங்கா், காங்கிரஸ் அகில இந்தியச் செயலா் வைசாக், மாநிலப் பொதுச்செயலா் அஸ்வத்தாமன், முன்னாள் வட்டார காங்கிரஸ் தலைவா் ஜெயராமன் ஆகியோா் முன்னிலை வகித்தனா்.

சிறப்பு அழைப்பாளராக தூத்துக்குடி தெற்கு மாவட்ட காங்கிரஸ் தலைவா் ஊா்வசி அமிா்தராஜ் பங்கேற்று பாதயாத்திரையைத் தொடக்கிவைத்துப் பேசினாா்.

தூத்துக்குடி மாநகர காங்கிரஸ் தலைவா் திலகேஷ், நிா்வாகிகள் பாக்கியராஜ், பிளஸ்வின், மாவட்டப் பொருளாளா் எடிசன், வேல்ராமகிருஷ்ணன், உடன்குடி பேரூராட்சி உறுப்பினா் அன்புராணி, உடன்குடி நகர காங்கிரஸ் தலைவா் முத்து, சாத்தான்குளம் ஊராட்சி உறுப்பினா் சுதாகா், ஜோஸ்வா உள்ளிட்ட திரளான நிா்வாகிகள் பங்கேற்றனா்.