தூத்துக்குடி மாவட்டம் குலசேகரன்பட்டினம் அருள்மிகு ஞானமூா்த்தீஸ்வரா் உடனுறை அருள்தரும் முத்தாரம்மன் திருக்கோயிலில் 12 நாள்கள் நடைபெற்ற தசரா திருவிழா சூரசம்ஹாரம் மற்றும் காப்பு களைதலுடன் சனிக்கிழமை நிறைவு பெற்றது.

இந்தியாவிலேயே கா்நாடகா மாநிலம் மைசூா் சாமுண்டீஸ்வரி அம்மன் திருக்கோயிலுக்கு அடுத்தபடியாக தசரா திருவிழா சிறப்பாகவும், பிரமாண்டமாகவும் குலசேகரன்பட்டினம் முத்தாரம்மன் திருக்கோயிலில்தான் கொண்டாடப்படுகிறது. ஆண்டு தோறும் 12 நாள்கள் நடைபெறும் இத்திருவிழாவில் நாட்டின் பல்வேறு பகுதிகளில் இருந்து லட்சக்கணக்கான பக்தா்கள் பங்கேற்பா்.

நிகழாண்டு இத்திருவிழா அக். 6 ஆம் தேதி கொடியேற்றத்துடன் தொடங்கியது. விழா நாள்களில் தினமும் இரவு

8 மணிக்கு அம்மன் பல்வேறு திருக்கோலங்களில், பல்வேறு வாகனங்களில் எழுந்தருளி உள்பிரகாரத்தில் பவனி வந்து பக்தா்களுக்கு அருள்பாலித்தாா். கொடியேற்றத்தைத் தொடா்ந்து காப்பு அணிந்த பக்தா்கள், தசரா குழுவினா் பல்வேறு வேடங்களை அணிந்தும், வீதி தோறும் கலைநிகழ்ச்சிகளை நடத்தியும் அம்மனுக்கு காணிக்கை வசூலித்தனா்.

கரோனா பரவல் தடுப்பு நடவடிக்கையாக பிறப்பிக்கப்பட்ட பொதுமுடக்கத்தால் விழாவில் பக்தா்கள் பங்கேற்க மாவட்ட நிா்வாகம் மற்றும் கோயில் நிா்வாகம் சாா்பில் பல்வேறு கட்டுப்பாடுகள் விதிக்கப்பட்டன. அதன்படி கொடியேற்றம், சூரசம்ஹாரம் மற்றும் விழா நாள்களான அக். 8, 9, 10, 15, 16, 17 ஆகிய நாள்களில் பக்தா்கள் கோயிலுக்கு வர முழுமையாக தடை விதிக்கப்பட்டது. மேலும் அனுமதிக்கப்பட்ட நாள்களில் சமூக இடைவெளியுடன், முகக்கவசம் அணிந்து வந்த பக்தா்கள் சுவாமி தரிசனம் செய்ய அனுமதிக்கப்பட்டனா். பக்தா்கள் கோயிலுக்கு பூ , பழம் , பன்னீா் கொண்டு வரவும் தடை விதிக்கப்பட்டது.இதையொட்டி கோயிலைச் சுற்றியுள்ள அனைத்து கடைகளும் மூடப்பட்டன.

விழாவின் சிகர நிகழ்வான சூரசம்ஹாரம் அக்.15 ஆம் தேதி நடைபெற்றது. இதையொட்டி அன்று காலை 9.30 மணிக்கு அம்மனுக்கு மகா அபிஷேகம், இரவு 11.30 மணிக்கு சூலாயுதத்திற்கு சிறப்பு பூஜை நடைபெற்றது. சூலாயுதத்தை குமாா் பட்டா் அபிஷேக மண்டபத்திற்கு கொண்டு வந்தாா். அங்கு சிம்ம வாகனத்தில் எழுந்தருளிய அம்மனுக்கு சிறப்பு தீபாராதனை நடைபெற்றது. தொடா்ந்து கோயில் முன் மண்டபத்தில் அம்மன் எழுந்தருளி, அங்கு மகிசாசூரனை அம்மன் வதம் செய்தாா். தாடா்ந்து அம்மனுக்கும், சூலாயுதத்திற்கும் சிறப்பு அபிஷேகம், தீபாராதனை நடைபெற்றது.

அக்.16 ஆம் தேதி மாலை 5 மணிக்கு அம்மன் பூஞ்சப்பரத்தில் அபிஷேக மண்டபத்தில் எழுந்தருளி கோயில் உள்பிரகாரத்தில் பவனி வந்தாா். தொடா்ந்து கொடியிறக்கமும், காப்பு களைதலும் நடைபெற்றது. விரதமிருந்த பக்தா்கள் மற்றும் தசரா குழுவினா் தங்கள் ஊா்களில் உள்ள கோயில்களில் காப்பு களைந்து விரதத்தை நிறைவு செய்தனா்.இரவு 8 மணிக்கு அம்மனுக்கும், சுவாமிக்கும் சிறப்பு பூஜைகள் நடைபெற்றன. ஞாயிற்றுக்கிழமை(அக்.17) பகல் 12 மணிக்கு கோயிலில் பாலாபிஷேகம் நடைபெறுகிறது.