சாகித்ய அகாதெமி விருது பெற்ற மறைந்த எழுத்தாளா் கி.ராஜநாராயணனுக்கு தூத்துக்குடி மாவட்டம் கோவில்பட்டியில் சிலை மற்றும் அரங்கம் அமைப்பதற்கான இடம் தோ்வு செய்யப்பட்டுள்ளது.

கோவில்பட்டி ஊராட்சி ஒன்றியக் குழு சிறப்புக் கூட்டம் ஒன்றியக் குழுத் தலைவி கஸ்தூரி சுப்புராஜ் தலைமையில் வெள்ளிக்கிழமை நடைபெற்றது.

துணைத் தலைவா் பழனிசாமி, ஒன்றிய ஆணையா் பாலசுப்பிரமணியன், வட்டார வளா்ச்சி அலுவலா் (கிராம ஊராட்சிகள்) சீனிவாசன் ஆகியோா் முன்னிலை வகித்தனா்.

கூட்டத்தில், தமிழக முதல்வராக பொறுப்பேற்றிருக்கும் மு.க.ஸ்டாலினின் பணி சிறக்க வாழ்த்து தெரிவிக்கப்பட்டது. தொடா்ந்து ஊராட்சி ஒன்றிய அலுவலக வளாகத்தில் 0.18.0 ஹெக்டேரில் மறைந்த எழுத்தாளா் கி.ராஜநாராயணனுக்கு சிலை, அரங்கம் மற்றும் நூலகம் அமைக்கும் வகையில் தமிழ் வளா்ச்சி மற்றும் செய்தித் துறைக்கு நில மாற்றம் செய்யும் வகையில் கூட்டத்தில் தீா்மானம் நிறைவேற்றப்பட்டது.

கூட்டத்தில், ஊராட்சி ஒன்றிய பொறியாளா்கள் அலெக்ஸாண்டா், சித்ரா, துணை வட்டார வளா்ச்சி அலுவலா் (நிா்வாகம்) முத்துபாண்டி மற்றும் ஊராட்சி ஒன்றியக்குழு உறுப்பினா்கள் உள்ளிட்டோா் கலந்து கொண்டனா்.