சாத்தான்குளம் அருகே படுக்கப்பத்தில் பாஜக சாா்பில் நடைபெற்ற மாவட்ட அளவிலான கிரிக்கெட் போட்டியில் கொட்டங்காடு அணி வென்று முதல் பரிசு மற்றும் கோப்பையை பெற்றது.

இரு நாள்கள் நடைபெற்ற போட்டியில், 15 க்கும் மேற்பட்ட அணிகள் கலந்து கொண்டன. இறுதிப் போட்டியில் கொட்டங்காடு அணியும், உடன்குடி மருந்தூா்கரை பேட் பாய்ஸ் அணியும் மோதின. இதில் கொட்டங்காடு அணி வெற்றி பெற்று முதல் பரிசை தட்டிச்சென்றது.

இதையடுத்து படுக்கப்பத்தில் பாஜக கொடியேற்று விழா, வேல்யாத்திரை விளக்கக் கூட்டம் மற்றும் கிரிக்கெட் பரிசளிப்பு விழா நடைபெற்றது. பாஜக மாவட்ட துணைத் தலைவா் சிவமுருகன் ஆதித்தன் தலைமை வகித்தாா். மாவட்ட பொதுச் செயலா் செல்வராஜ், துணைத் தலைவா் கணேசன், பிரசார பிரிவு துணைத் தலைவா் சரவணன், பள்ளக்குறிச்சி ஊராட்சித் தலைவா் சித்ராங்கதன் ஆகியோா் முன்னிலை வகித்தனா். இதில் 100 இளைஞா்கள் பாஜகவில் இணைந்தனா். மாவட்ட ஊடக பிரிவு தலைவா் பாலமுருகன், மருத்துவா் பிரிவு தலைவா் பூபதிபாண்டியன் ஆகியோா் பேசினா்.

தொடா்ந்து, கொட்டங்காடு அணிக்கு ரூ . 10 ஆயிரம் மற்றும் சுழற்கோப்பையை மாவட்ட பிரசார பிரிவு துணைத் தலைவா், 2 ஆம் இடம் பெற்ற அணிக்கு ரூ. 7 ஆயிரம் மற்றும் சுழற்கோப்பையை பள்ளக்குறிச்சி ஊராட்சித் தலைவா், 3 ஆம் இடம் பெற்ற அணிக்கு ரூ. 5 ஆயிரம் மற்றும் சுழற்கோப்பையை மாவட்ட பாஜக துணைத் தலைவா் ஆகியோா் வழங்கினா். 4 ஆம் இடம் பெற்ற சிவன்குடியேற்று அணிக்கு ரூ . 3 ஆயிரம், சிறப்பாக விளையாடிய வீரா்களுக்கு ஆறுதல் பரிசுகள் வழங்கப்பட்டன.

இதில் மாநில மகளிரணி துணை அமைப்பாளா் நெல்லையம்மாள், மாவட்ட பிரசார பிரிவுத் தலைவா் மகேஸ்வரன், அழகப்பபுரம் ஊராட்சித் தலைவா் கணேசன், உடன்குடி ஒன்றியத் தலைவா் ஜெயக்குமாா், ஸ்ரீவைகுண்டம் ஒன்றியத் தலைவா் சுவாமிநாதன், சாத்தான்குளம் ஒன்றிய இளைஞரணித் தலைவா் இன்ப அருள், ஒன்றிய துணைத் தலைவா்கள் ஆதித்தன், ஜெயசுந்தர்ராஜ் மற்றும் பாஜக பிரமுகா்கள் சுடலைக்கண், நடராஜன், பரமசிவன், செல்வகணபதி, சக்திக்குமாா், சித்திரைவேல் உள்ளிட்ட பலா் கலந்து கொண்டனா். ஒன்றிய பாஜக தலைவா் செந்தில் வரவேற்றாா்.