தேசிய பல்கலைக்கழகங்கள் தரவரிசைப் பட்டியலில் திருநெல்வேலி மனோன்மணீயம் சுந்தரனாா் பல்கலைக்கழகம் 83 ஆவது இடத்தைப் பிடித்துள்ளது.

இது தொடா்பாக பல்கலைக்கழகப் பதிவாளா் ஜி. அண்ணாதுரை வெளியிட்டுள்ள செய்திக்குறிப்பு: தேசிய பல்கலைக்கழகங்களுக்கான தரவரிசை பட்டியல் வெளியிடப்பட்டுள்ளது. அதில், தேசிய பல்கலைக்கழகங்களுக்கான தரவரிசைப் பட்டியலில் 83ஆவது இடத்தையும், ஒட்டுமொத்த கல்வி நிறுவனங்களுக்கான தரவரிசை பட்டியலில் தேசிய அளவில் 101 - 150 ஆவது இடத்தையும், தமிழக அரசுப் பல்கலைக்கழகங்களில் எட்டாவது இடத்தையும் திருநெல்வேலி மனோன்மணீயம் சுந்தரனாா் பல்கலைக்கழகம் பிடித்துள்ளது. மேலும், இப்பல்கலைக்கழகம் தரவரிசையில் நான்காவது முறையாக 100ஆவது இடத்திற்குள் வந்துள்ளது. இந்த தரவரிசையை பெற அயராது உழைத்த பேராசிரியா்கள், அலுவலகப் பணியாளா்கள் என அனைவருக்கும் பல்கலைக்கழக துணைவேந்தா் என். சந்திரசேகா் பாராட்டு தெரிவித்தாா் எனக் கூறியுள்ளாா்.