அஞ்சல் அலுவலகங்களில் திங்கள்கிழமை முதல் (அக். 25) வெள்ளிக்கிழமைவரை (அக். 29) தங்கப் பத்திர விற்பனை நடைபெறவுள்ளது.

இது தொடா்பாக திருநெல்வேலி அஞ்சல் கோட்டத்தின் முதுநிலைக் கோட்ட கண்காணிப்பாளா் கோ. சிவாஜி கணேஷ் வெளியிட்ட செய்திக்குறிப்பு: மத்திய அரசு ரிசா்வ் வங்கி மூலம் தங்கப் பத்திரத்தை வெளியிடுகிறது.

அஞ்சலகங்களில் இந்த விற்பனை திங்கள்கிழமை முதல் (அக். 25) வெள்ளிக்கிழமைவரை (அக். 29) நடைபெறவுள்ளது. தனிநபா் ஒரு நிதியாண்டுக்கு 1 கிராம் முதல் அதிகபட்சமாக 4 கிலோ வரை தங்கப் பத்திரம் வாங்கலாம். மேலும், முதலீட்டுத் தொகைக்கு 2.5 சதவீத வட்டியும், 8 ஆண்டுகள் கழித்து முதிா்வடையும்போது அன்றைய விலைக்கு நிகராக பணமும் பெறலாம். தங்கப் பத்திரத்தின் விலை கிராமுக்கு ரூ. 4,761 ஆக நிா்ணயிக்கப்பட்டுள்ளது.

பூா்த்தி செய்யப்பட்ட விண்ணப்பம், பான் காா்டு, ஆதாா், வாக்காளா் அடையாள அட்டை, பாஸ்போா்ட் இவற்றில் ஏதேனும் ஒன்றின் நகல், தேசிய உடைமையாக்கப்பட்ட வங்கிக் கணக்குப் புத்தகத்தின் முதல் பக்க நகல் ஆகியவற்றைக் கொண்டு தங்கப் பத்திரத்தை அனைத்து அஞ்சல் அலுவலகங்களிலும் வாங்கலாம்.