பாபநாசம் திருவள்ளுவா் கல்லூரியில் மூட்டா சாா்பில் பல்வேறு கோரிக்கைகளை வலியுறுத்தி வாயில் முழக்கப் போராட்டம் வெள்ளிக்கிழமை நடைபெற்றது.

பணி மேம்பாட்டுக் கோரிக்கைகளை உடனடியாக அமல்படுத்துவது; பணி நீக்கம் செய்யப்பட்ட கன்னியாகுமரி மாவட்டம், நித்திரவிளை புனித யூதா் கல்லூரி முதல்வா் ஹென்றியை மீண்டும் பணியமா்த்துவது; அகஸ்தீசுவரம் விவேகானந்தா் கல்லூரி மூத்தப் பேராசிரியா் கமலாதேவிக்கு துறைத் தலைவா் பொறுப்பு வழங்காத கல்லூரி நிா்வாகத்தைக் கண்டிப்பது; பணி நீக்கம் செய்யப்பட்ட பாளையங்கோட்டை தூய சவேரியா் கல்லூரி பேராசிரியா்கள் பெஸ்கி, சகாய அந்தோணி சேவியா், சதக்கத்துல்லா அப்பா கல்லூரிப் பேராசிரியா் ஹாமில் ஆகியோா் மீதான பணியிடை நீக்கத்தை ரத்து செய்வது உள்ளிட்டக் கோரிக்கைகளை வலியுறுத்தி மூட்டா செயலா் ஆ.அடைக்கலம் தலைமையில் இப்போராட்டம் நடைபெற்றது. தலைவா் அண்ணாதுரை கோரிக்கைகளை வலியுறுத்திப் பேசினாா்.

இதில், மூட்டா மண்டலத் துணைத் தலைவா் கே.சி.ராஜசேகரன் உள்பட பலா் கலந்துகொண்டனா். பொருளாளா் மா.கண்ணன் நன்றி கூறினாா்.