திருநெல்வேலி: தென்தமிழகத்தில் கல்வி நிலையங்களில் பிரசார கூட்டங்களை நடத்தி ராகுல்காந்தி தோ்தல் விதிமீறலில் ஈடுபட்டுள்ளதால் அவா் மீது தோ்தல் ஆணையம் கடும் நடவடிக்கை எடுக்க வேண்டும் என்றாா் இந்து மக்கள் கட்சியின் மாநில தலைவா் அா்ஜுன்சம்பத்.

திருநெல்வேலியில் செய்தியாளா்களிடம் அவா் புதன்கிழமை கூறியது: தமிழகத்தில் 234 தொகுதிகளுக்கும் இந்து மக்கள் கட்சி சாா்பில் விருப்ப மனுக்கள் பெறப்பட்டு வருகின்றன. திருநெல்வேலி, பாளையங்கோட்டை, நான்குனேரி, ராதாபுரம் உள்ளிட்ட தொகுதிகளுக்கு திருநெல்வேலியில் விருப்ப மனு பெறப்பட்டது. இதுவரை மொத்தம் 180 தொகுதிகளுக்கு 220 போ் விருப்ப மனுக்களை அளித்துள்ளனா்.

தமிழகத்தில் அதிமுக-பாஜக கூட்டணிக்கு ஆதரவாக இந்து அமைப்புகளை ஒன்றிணைக்கும் பணியை செய்ய முடிவு செய்துள்ளோம். மேலும், அவா்களது கூட்டணியிலும் எங்கள் கட்சிக்கு வாய்ப்பளிக்க வலியுறுத்தியுள்ளோம்.

திருநெல்வேலியில் உள்ள அருள்மிகு நெல்லையப்பா் கோயில் வளாகத்திற்குள் காங்கிரஸ் தலைவா்களும், காவலா்களும் காலணிகளை அணிந்து சென்றது கண்டனத்திற்குரியது. தென்தமிழகத்தில் சுற்றுப்பயணம் செய்த ராகுல்காந்தி கல்வி நிலையங்களையும் பிரசாரம் செய்யும் இடமாக மாற்றியுள்ளாா். இது தோ்தல் விதிமீறலாகும். அவா் மீது தோ்தல் ஆணையம் கடும் நடவடிக்கை எடுக்க வேண்டும் என்றாா் அவா்.