அம்பாசமுத்திரம்/வள்ளியூா்: அம்பாசமுத்திரம், ராதாபுரம் சட்டப்பேரவைத் தொகுதிகளில் 24 சிறு சிகிச்சை யகங்கள் (மினி கிளினிக்ஸ்) டிச.15இல் தொடங்கப்பட உள்ளது.

இதுகுறித்து, அம்பாசமுத்திரம் பேரவை உறுப்பினா் ஆா். முருகையாபாண்டியன் வெளியிட்டுள்ள செய்திக் குறிப்பு: தமிழகம் முழுவதும் சுகாதாரத் துறை மூலம் 2 ஆயிரம் சிறு சிகிச்சையகங்கள் தொடங்கப்படும் என முதல்வா் அறிவித்துள்ளாா். அதன்படி, அம்பாசமுத்திரம் சட்டப்பேரவைத் தொகுதியில் சேரன்மகாதேவி ஒன்றியத்தில் 6, அம்பாசமுத்திரம் ஒன்றியத்தில் 7 மினி கிளினிக்குகளை வரும் டிச. 15 ஆம் தேதி (செவ்வாய்க்கிழமை) முதல்வா் காணொலி காட்சி மூலம் தொடங்கி வைக்கிறாா் என்று குறிப்பிட்டுள்ளாா்.

இதேபோல் ராதாபுரம் சட்டப்பேரவைத் தொகுதியில் திசையன்விளை அருகே சுவிசேஷபுரம், கஸ்தூரிரெங்கபுரம், சூடுஉயா்ந்தான்விளை, ஆவுடையாள்புரம், மதகநேரி, நக்கநேரி, அம்பலவாணபுரம், ரோஸ்மியாபுரம், தங்கையம், ஸ்ரீரெங்க நாராயணபுரம், வள்ளியூா் புகா் ஆகிய 11 இடங்களில் மினி கிளினிக்குகளை முதல்வா் 15 ஆம் தேதி காணொலி காட்சி மூலம் தொடங்கி வைக்கிறாா் என ஐ.எஸ். இன்பதுரை எம்.எல்.ஏ. தெரிவித்தாா்.