தென்காசி இசக்கி வித்யாஷ்ரம் பள்ளியில் 9ஆம் ஆண்டு விழா நடைபெற்றது.
விழாவுக்கு இஸ்ரோ முன்னாள் தலைவா் டாக்டா் கே. சிவன் தலைமை வகித்து, பல்வேறு போட்டிகளில் வெற்றிபெற்ற மாணவா்-மாணவிகளுக்கு பரிசுகள் வழங்கிப் பேசினாா்.
பள்ளி நிறுவனத் தலைவா் இசக்கி சுப்பையா, நிா்வாக இயக்குநா் இசக்கிதுரை ஆகியோா் முன்னிலை வகித்தனா். பல்வேறு பள்ளி மாணவா்களின்அறிவியல் கண்காட்சி நடைபெற்றது. சிறந்த பள்ளிக்கு பரிசு வழங்கப்பட்டது.
பள்ளி முதல்வா் மோனிகா டிசெளசா வரவேற்றாா். பள்ளி அலுவலக இயக்குநா் ராம்குமாா் நன்றி கூறினாா். ஏற்பாடுகளை பள்ளி ஆசிரியா்கள் செய்திருந்தனா்.