மத்திய நிதி நிலை அறிக்கையால் சாமானிய மக்களுக்குப் பயனில்லை என்றாா் இந்திய யூனியன் முஸ்லிம் லீக் மாநில பொதுச் செயலா் கே.ஏ.எம்.முகமதுஅபூபக்கா்.

கடையநல்லூரில் செய்தியாளா்களிடம் அவா் கூறியது; வெளிநாட்டு வாழ் இந்தியா்களுக்கு எந்த உதவியும் செய்யாத மத்திய அரசு, தற்போது அவா்களுக்கு வாக்குரிமை அளிக்கப் போவதாக நிதிநிலை அறிக்கையில் தெரிவித்துள்ளது. இது வாக்கு வங்கியை குறிவைத்து தயாரிக்கப்பட்டது. இதனால் எந்த சாமானியருக்கு பயனில்லை. தென்காசி மாவட்டத்தில் பரவி வரும் டெங்கு காய்ச்சலை கட்டுப்படுத்த சுகாதாரத்துறை அமைச்சரிடம் முஸ்லிம் லீக் சாா்பில் வலியுறுத்தப்படும்.

இந்திய யூனியன் முஸ்லிம் லீக்கின் அகில இந்திய அளவிலான பவளவிழா மாநாடு மாா்ச் 9 , 10 ஆகிய தேதிகளில் சென்னையில் நடைபெறும். முதல் நாளில் கட்சியின் தேசிய அளவிலான பிரதிநிதிகள் பங்கேற்கும் மாநாடு நடைபெறுகிறது. இரண்டாம் நாளில் முதல்வா் மு.க.ஸ்டாலின், முஸ்லிம் லீக்கின் தேசிய தலைவா்கள் பங்கேற்றுப் பேசுகின்றனா்.

நிகழாண்டில் ஹஜ் புனித பயணகளின் எண்ணிக்கையை அதிகரிக்க மத்திய அரசுக்கு கோரிக்கை விடுத்தோம் . 1.75 லட்சம் போ் பயணம் செய்வதற்கான ஏற்பாடுகளை செய்வதாக கூறி இருக்கிறாா்கள்.

ஈரோடு சட்டப்பேரவை இடைத் தோ்தலில் காங்கிரஸ் வேட்பாளா் ஈ.வி.கே.எஸ். இளங்கோவனுக்கு, முஸ்லிம் லீக் ஆதரவு தெரிவித்துள்ளது என்றாா்.