தமிழக முதல்வரின் தென்காசி வருகை தேதி டிசம்பா் 8 ஆம் தேதிக்கு மாற்றப்பட்டுள்ளதாக திமுக மாவட்டச் செயலா் பொ.சிவபத்மநாதன் தெரிவித்தாா்.

தென்காசி மாவட்டம் இலத்தூா் வேல்ஸ் பள்ளி வளாகத்தில் நடைபெறும் அரசு விழாவில் தமிழக முதல்வா் மு.க.ஸ்டாலின், புதிய திட்டங்களைத் தொடக்கி வைத்து, பயனாளிகளுக்கு நலத்திட்ட உதவிகளை வழங்குகிறாா். இவ்விழா டிச.5 ஆம் தேதி நடைபெறும் என அறிவிக்கப்பட்டிருந்தது. தற்போது டிச.8 ஆம் தேதிக்கு மாற்றப்பட்டுள்ளது.

இதுகுறித்து தென்காசி மாவட்ட திமுக செயலா் சிவபத்மநாதன் வெளியிட்டுள்ள அறிக்கை:

தென்காசி மாவட்டத்தில் டிச.8 ஆம் தேதி நடைபெறும் அரசு விழாவில்,

தமிழக முதல்வா் மு.க.ஸ்டாலின் பங்கேற்று புதிய திட்டப் பணிகளைக் தொடக்கி வைத்து, பயனாளிகளுக்கு நலத்திட்டங்களை வழங்கவுள்ளாா்.

திமுக இளைஞரணி செயலா் உதயநிதி ஸ்டாலின், பிறந்தநாள் விழாவை நலத்திட்ட உதவிகள், இனிப்புகள் வழங்கி அனைத்து கிராமங்களிலும் கொண்டாட வேண்டும். தென்காசி மாவட்டத்தில் உள்ள அரசு மருத்துவமனைகள், ஆரம்ப சுகாதார நிலையங்களில் ஞாயிற்றுக்கிழமை (நவ.27) பிறக்கும் அனைத்து குழந்தைகளுக்கும் திமுக சாா்பில் தங்க மோதிரம் வழங்கப்படும்.

இதேபோல, அனைத்து ஒன்றியங்கள், நகரம், பேரூராட்சிப் பகுதிகளைச் சோ்ந்த நிா்வாகிகள், நலத்திட்ட உதவிகளை வழங்கி பிறந்தநாள் விழாவைக் கொண்டாட வேண்டும் எனத் தெரிவித்துள்ளாா்.

முதல்வா் பங்கேற்கும் அரசு விழா நடைபெறும் வேல்ஸ் பள்ளி வளாகத்தில் மேடை அமைக்கும் பணிகளை திமுக மாவட்டச் செயலா் சிவபத்மநாபன் தலைமையிலான திமுகவினா் சனிக்கிழமை பாா்வையிட்டனா். தலைமைச் செயற்குழு உறுப்பினா் ஆறுமுகச்சாமி,

ஒன்றிய செயலா்கள் ரவிசங்கா், அழகுசுந்தரம், சீனித்துரை,

செங்கோட்டை நகர செயலா் வழக்குரைஞா் ஆ.வெங்கடேசன், வழக்குரைஞரணி மாவட்ட அமைப்பாளா் வேலுசாமி உள்ளிட்ட பலா் கலந்துகொண்டனா்.