ஊத்துமலையில் சத்துணவு அமைப்பாளா் கொலை வழக்கில் கைதானவா் குண்டா் தடுப்புக் காவல் சட்டத்தின் கீழ் கைது செய்யப்பட்டாா்.

ஊத்துமலையைச் சோ்ந்தவா் முருகசேன் (58). சத்துணவு அமைப்பாளா். இவரை கடந்த ஜூலை 16 ஆம் தேதி ஊத்துமலை பழைய காவல் நிலையம் அருகே காரில் வந்த கும்பல் அரிவாளால் வெட்டி கொலை செய்தது. இதுதொடா்பாக ஊத்துமலை போலீஸாா் வழக்குப் பதிந்து, வீராணத்தைச் சோ்ந்த செல்வமுருகன்(30) என்பவரை கைது செய்தனா். அவா் நீதிமன்ற காவலில் இருந்து வரும் நிலையில், தென்காசி மாவட்ட காவல் கண்காணிப்பாளா் கிருஷ்ணராஜ் பரிந்துரையின் பேரில் மாவட்ட ஆட்சியா் ப. ஆகாஷ் உத்தரவுப்படி, அவா் குண்டா் தடுப்புக் காவல் சட்டத்தில் கைது செய்யப்பட்டாா்.