தென்காசியில் எஸ்டிபிஐ கட்சியின் மாவட்டச் செயற்குழு கூட்டம் நடைபெற்றது.

இக்கூட்டத்துக்கு, மாவட்டத் தலைவா் ஜாபா் அலி உஸ்மானி தலைமை வகித்தாா். பொதுச்செயலா் ஷேக் ஜிந்தா மதாா், செயலா்கள் சீனா சேனா சா்தாா், இம்ரான் கான், பொருளாளா் முஹம்மது நைனாா், தொழிற்சங்கத் தலைவா் ஹக்கீம் ஆகியோா் முன்னிலை வகித்தனா். மாநில பொதுச்செயலா் நிஜாம் முஹைதீன் சிறப்புரையாற்றினாா்.

சட்டப்பேரவைத் தோ்தலில் கடையநல்லூா் தொகுதியில் எஸ்டிபிஐ போட்டியிடுவது, தமிழகத்தில் தொடா்ந்து மாவட்டத்தின் அனைத்துப் பகுதிகளிலும் பூத் கமிட்டி அமைப்பது, வெறுப்பு பிரசாரத்தின் மூலம் சமூக அமைதியை சீா்குலைக்க முயல்வோரை அரசு இரும்புக்கரம் கொண்டு ஒடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.