கன்னியாகுமரி மாவட்ட சமூக நலன் - மகளிா் உரிமைத் துறையின் சாா்பில் பள்ளி கல்லூரி மாணவ, மாணவா்கள் பங்கேற்ற போதைப் பொருள் பயன்படுத்துவதற்கு எதிரான விழிப்புணா்வு முக சித்திரம் வரையும் போட்டி நாகா்கோவிலில் உள்ள ஆட்சியா் அலுவலக வருவாய் கூட்டரங்கில் சனிக்கிழமை நடைபெற்றது.

இப்போட்டியைத் தொடங்கிவைத்து ஆட்சியா் பி.என். ஸ்ரீதா் கூறியது: கன்னியாகுமரி மாவட்ட சமூக நலன் - மகளிா் உரிமைத் துறைானது, தன்னாா்வ தொண்டு நிறுவனங்களின் ஒத்துழைப்புடன் அரசு, அரசு உதவி பெறும்- தனியாா் பள்ளிகள், கல்லூரி மாணவ மாணவிகளிடையே போதைப் பொருள் பயன்படுத்தினால் ஏற்படும் தீமைகள் குறித்த பல்வேறு விழிப்புணா்வு நிகழ்ச்சிகள் நடத்தப்பட்டு வருகின்றன.

இந்நிகழ்வில், மாவட்ட நிா்வாகம், காவல் துறை, பள்ளி- உயா்கல்வித் துறைகள், மாநகராட்சி, நகராட்சிகள், ஊராட்சிகள் உள்ளிட்ட அரசுத் துறைகள், தன்னாா்வ தொண்டு நிறுவனங்கள் தங்களது பங்களிப்பை செய்துவருகின்றன.

போதைப் பொருளைப் பயன்படுத்தும் மாணவ, மாணவிகளைக் கண்காணிக்க சிறப்புக் குழுக்கள் அமைக்கப்பட்டுள்ளன. மேலும், பெண் குழந்தைகளை காப்போம்,பெண் குழந்தைகளுக்கு கற்பிப்போம் திட்டம் தொடா்பாகவும் மாவட்ட அளவில் விழிப்புணா்வு நிகழ்ச்சிகள் நடத்தப்பட்டு வருகின்றன.

அதன் ஒரு பகுதியாகத்தான் தற்போது முக சித்திரம் வரையும் போட்டிகள் தொடக்கிவைக்கப்பட்டுள்ளன. இப்போட்டிகளில் வெற்றிபெறும் மாணவ, மாணவிகளுக்கு பரிசுகளும், சான்றிதழ்களும் வழங்கப்பட உள்ளன என்றாா் அவா்.

நிகழ்ச்சியில், பத்மநாபபுரம் சாா்ஆட்சியா் ஹெச்.ஆா்.கௌசிக், மாவட்ட சமூக நல அலுவலா் சரோஜினி, மாவட்ட முதன்மைக் கல்வி அலுவலா் முருகன், விஷாலாஹிரேமத், காவல்துறை அலுவலா்கள், போக்குவரத்துத் துறைஅலுவலா்கள், பள்ளி கல்லூரி மாணவ, மாணவிகள், தன்னாா்வ தொண்டு நிறுவனத்தினா் உள்ளிட்டோா் கலந்துகொண்டனா்.