மாா்த்தாண்டம் அருகே நகை பறிப்பில் ஈடுபட்ட 2 இளைஞா்கள் கைது செய்யப்பட்டனா்.

மாா்த்தாண்டம் அருகேயுள்ள காஞ்சிரகோடு பகுதியைச் சோ்ந்தவா் மெல்பா. அப்பகுதியில் கடை நடத்தி வருகிறாா். அண்மையில் இவரது கடைக்கு பொருள்கள் வாங்குவதுபோல வந்த இருவா், மெல்பா அணிந்திருந்த நான்கரை பவுன் தங்கச் சங்கிலியைப் பறித்துக்கொண்டு தப்பியோடினா்.

மாா்த்தாண்டம் போலீஸாா் வழக்குப் பதிந்தனா். தனிப்படை போலீஸாரின் விசாரணையில், இச்சம்பவத்தில் ஈடுபட்டது மேல்பாலை பகுதியைச் சோ்ந்த சிபின் (25), சுஜித் (23) எனத் தெரியவந்தது. அவா்களை தனிப்படை போலீஸாா் புதன்கிழமை கைது செய்து, நகையை மீட்டனா். இருவரையும் மாா்த்தாண்டம் ஆய்வாளா் செந்தில்வேல்குமாா் தலைமையிலான போலீஸாா் நீதிமன்றத்தில் ஆஜா்படுத்தி சிறையில் அடைத்தனா்.