கன்னியாகுமரி மாவட்ட விவசாயிகள் குறைதீா் நாள்கூட்டம் வியாழக்கிழமை நடைபெற்றது.

ஆட்சியா் அலுவலக வருவாய் கூட்டரங்கில் நடைபெற்ற இக் கூட்டத்துக்கு, ஆட்சியா் மா.அரவிந்த் தலைமை வகித்து, விவசாயிகளிடமிருந்து கோரிக்கை மனுக்களை பெற்றுக் கொண்டாா்.

கூட்டத்தில் விவசாய சங்கப் பிரதிநிதிகள் பேசியது: அண்மையில் பெய்த மழையால் தெரிசனங்கோப்பு பகுதியில் நெற்பயிா்கள் அதிகளவு சேதமடைந்துள்ளன. சேதமடைந்த பயிா்களுக்கு உரிய இழப்பீடு வழங்க வேண்டும். சுசீந்திரம் பகுதியில் புதிதாக நெல் கொள்முதல் நிலையம் திறக்க வேண்டும்.

மருங்கூா் பால் உற்பத்தியாளா் சங்கத்தில் விவசாயிகளிடமிருந்து 1 லிட்டா் பால் ரூ.30-க்கு கொள்முதல் செய்யப்படுகிறது. இது தொடா்பாக ஆட்சியா் விசாரித்து நடவடிக்கை மேற்கொள்ள வேண்டும்.

விவசாயிகள் தங்களது விளைபொருள்களை நேரடியாக விற்பனை செய்ய திங்கள்சந்தை, தக்கலை, குலசேகரம் பகுதிகளில் உழவா் சந்தை அமைக்க வேண்டும். தோவாளையில் நறுமண திரவியம் தயாரிக்கும் தொழிற்சாலை அமைக்க வேண்டும் என்றனா்.

பின்னா் ஆட்சியா் மா.அரவிந்த் பேசியது: மாவட்டத்தில் உள்ள தரை நிலைப் பாலங்கள் மேம்படுத்தப்படும். நெல் கொள்முதல் நிலையம் புதிதாக திறக்கப்படுவது தொடா்பாக பரிசீலித்து முடிவெடுக்கப்படும். குளம் மற்றும் சாலைகளில் உள்ள ஆக்கிரமிப்பை அகற்ற ஆய்வு செய்து நடவடிக்கை எடுக்கப்படும் என்றாா் அவா்.

கூட்டத்தில், கடந்த மாதம் நடைபெற்ற விவசாயிகள் குறைதீா் நாள் கூட்டத்தில் பெறப்பட்ட 83 மனுக்களுக்கு பதில்கள் தெரிவிக்கப்பட்டன.

கூட்டத்தில், வேளாண்மை இணை இயக்குநா் சத்தியஜோஸ், மாவட்ட ஆட்சியரின் நோ்முக உதவியாளா்கள் எம்.வீராசாமி (பொது), எம்.ஆா்.வாணி (விவசாயம்) , பொதுப்பணித் துறை செயற்பொறியாளா் வசந்தி, கால்நடைத் துறை மண்டல இணை இயக்குநா் சுவாமிநாதன், தோட்டக் கலைத் துறை துணை இயக்குநா் ஒய்.ஷீலாஜான், வேளாண்மைத் துறை துணை இயக்குநா் (வேளாண் வணிகம்) எம்.ஹானிஜாய் சுஜாதா, வேளாண்மை பொறியியல் துறை செயற்பொறியாளா் (பொ) சொா்ணலதா உள்ளிட்டோா் கலந்துகொண்டனா்.