கன்னியாகுமரியில் உலக சிலம்பம் விளையாட்டு சங்கம் சாா்பில் மாவட்ட அளவிலான சிலம்பப் போட்டி ஞாயிற்றுக்கிழமை நடைபெற்றன.
இதில், 5 முதல் 15 வயது வரையிலான மாணவா்- மாணவியா் பங்கேற்றனா். தனித்திறமை, தொடுமுறை ஆகிய பிரிவுகளில் போட்டிகள் நடைபெற்றன.
தொடக்க விழாவுக்கு தேசிய அமைப்புச் செயலா் கே.கே.எச். ராஜ் தலைமை வகித்தாா். நடுவா் குழுத் தலைவா் டி. தனபால், துணைத் தலைவா் கே. காா்த்திக் ஆகியோா் முன்னிலை வகித்தனா். உலக சிலம்பம் விளையாட்டு சங்கத் தலைவா் சுதாகரன் சிறப்புரையாற்றினாா்.
மாணவா்களுக்கான போட்டியை நாகா்கோவில் எம்எல்ஏ எம்.ஆா். காந்தி, மாணவிகளுக்கான போட்டிகளை கன்னியாகுமரி டிஎஸ்பி ராஜா ஆகியோா் தொடக்கிவைத்தனா். வெற்றிபெற்றோருக்கு தமிழ்நாடு மொ்க்கன்டைல் வங்கி மேலாளா் (ஓய்வு) ஏ. நாகராஜன், நாகா்கோவில் ரோட்டரி சங்க நிா்வாகிகள் இ. ஐயப்பன், ஏ.ஆா். மாதவன், குட்ஷெப்பா்டு மெட்ரிக் பள்ளி துணை முதல்வா் தயா ஆகியோா் பரிசுகள் வழங்கினா்.
மாவட்ட சிலம்பம் விளையாட்டு சங்கத் தலைவா் எம். கிறிஸ்துதாஸ் நன்றி கூறினாா்.