கன்னியாகுமரி மாவட்டம், மண்டைக்காடு அருகே பெண்ணின் முகத்தில் மயக்கப் பொடியைத் தூவி 25 பவுன் நகைகளை கொள்ளையடித்துச் சென்ற மா்மநபா்களை போலீஸாா் தேடி வருகின்றனா்.

மண்டைக்காடு அருகேயுள்ள மணலிவிளையைச் சோ்ந்தவா் பிரதீஷ்குமாா். இவரது (29) மனைவி ஸ்ரீஜா ஷாமிலி (26). இவா்களுக்கு 3 மாத குழந்தை உள்ளது. வெளிநாட்டில் வேலைசெய்த பிரதீஷ்குமாா், 3 மாதங்களுக்கு முன்பு ஊருக்கு வந்தாா்.

இந்நிலையில், அவா் தனது தாயுடன் குளச்சல் அருகேயுள்ள வைத்தியசாலைக்கு புதன்கிழமை சென்றிருந்தாா். அவரது மனைவி கைக்குழந்தையுடன் வீட்டில் இருந்துள்ளாா்.

அப்போது, 2 ஆண்களும், ஒரு பெண்ணும் அவரது வீட்டுக்கு வந்து யாசகம் கேட்டுள்ளனா். அவா், தற்போது தன்னிடம் ஏதுமில்லை என பதிலளித்துள்ளாா். ஆனால், அவா்கள் அங்கிருந்து செல்லாமல் கதவை பலமாக தட்டியவாறு தேங்காய், காசு ஏதாவது தந்தால்தான் செல்வோம் என மிரட்டினராம்.

இதில், அச்சமுற்ற அவா் பின்பக்க கதவை திறந்துகொண்டு அருகேயுள்ள உறவினரின் வீட்டுக்குச் செல்ல முயன்றாராம். அதற்குள் அந்த நபா்கள் அவரை மடக்கிப்பிடித்து முகத்தில் மயக்கப் பொடியைத் தூவியதுடன், அவா் அணிந்திருந்த தங்கச்சங்கிலி, வளையல், கம்மல் மற்றும் வீட்டுக்குள் பீரோவில் இருந்த நகைகள் என 25 பவுன் நகைகளை கொள்ளைடித்துக்கொண்டு தப்பி விட்டனராம்.

இதனிடையே, அங்கு வந்த உறவினா்கள் ஸ்ரீஜா ஷாமிலி மயங்கிக்கிடப்பதை பாா்த்து, குளச்சல் தனியாா் மருத்துவமனைக்கு கொண்டு சென்றனா். இத்தகவலறிந்த குளச்சல் டிஎஸ்பி தங்கராமன், இரணியல் டிஎஸ்பி (பயிற்சி) செங்கோட்டு வேலவன், மணவாளக்குறிச்சி காவல் ஆய்வாளா் செந்தில்குமாா் மற்றும் போலீஸாா் சம்பவ இடத்துக்குச் சென்று விசாரித்தனா்.

விரல் ரேகை நிபுணா்கள் மூலம் தடயங்கள் பதிவு செய்யப்பட்டதுடன், அப்பகுதிகளில் பொருத்தப்பட்டிருந்த சிசிடிவி கேமராக்களை உதவி ஆய்வாளா் ஜான் போஸ்கோ அடங்கிய தனிப்படையினா் ஆய்வு செய்தனா்.

மேலும், மருத்துவமனையில் ஸ்ரீஜா ஷாமிலியிடம் போலீஸாா் விசாரித்தனா். இதுகுறித்து மண்டைக்காடு போலீஸாா் வழக்குப்பதிந்து மா்மநபா்களை தேடி வருகின்றனா்.