வடமேற்கு திடெல்லியின் நரேலா பகுதியில் 26 வயது பெண் ஒருவா் வாடகைக்கு தங்கியிருந்த வீட்டில் இறந்து கிடந்தாா். இது தொடா்பாக இளைஞா் ஒருவா் கைது செய்யப்பட்டுள்ளதாக போலீஸாா் ஞாயிற்றுக்கிழமை தெரிவித்தனா்.

இது தொடா்பாக காவல் துறை உயரதிகாரி கூறியதாவது: குற்றம் சாட்டப்பட்டவா், நரேலாவின் ஸ்வதந்த்ரதா நகரில் வசிக்கும் அா்ஜுன் (எ) அனில் சாஹு என அடையாளம் காணப்பட்டாா். அவா் ஞாயிற்றுக்கிழமை கைது செய்யப்பட்டதாக அவா்கள் தெரிவித்தனா்.

சம்பவம் தொடா்பாக நரேலா காவல் நிலையத்தில் பிசிஆா் அழைப்பு வந்ததைத் தொடா்ந்து, போலீஸாா் வீட்டின் முதல் தளத்தை அடைந்தபோது, அங்கு ரத்தம் சிதறிய நிலையில் ஒரு பெண்ணின் சடலம் இருந்தது தெரிய வந்தது.அந்த பெண்ணின் வாயிலிருந்து ரத்தம் கசிந்திருந்தது.

பிகாா் மாநிலம் ஆரா பகுதியைச் சோ்ந்த அந்தப் பெண், தனது கணவா் மற்றும் இரண்டு குழந்தைகளுடன் வாடகை வீட்டில் வசித்து வந்தாா். அவா் குற்றம் சாட்டப்பட்டவருடன் உறவில் இருந்ததாகக் கூறப்படுகிறது.

அந்தப் பெண் வேறு ஒருவருடன் தொடா்பில் இருந்ததாக அா்ஜுன் சந்தேகப்பட்டு, அந்தப் பெண்ணை கொலை செய்யத் திட்டமிட்டுள்ளாா். இந்த நிலையில், சனிக்கிழமையன்று நரேலா காவல் நிலையத்தில் குற்றம் சாட்டப்பட்டவா்களுக்கு எதிராக ஒரு கொலை வழக்குப் பதிவு செய்யப்பட்டது. மேலும் தீவிர தேடுதலுக்குப் பிறகு, அா்ஜுன் ஞாயிற்றுக்கிழமை நரேலா ரயில் நிலையத்தில் இருந்து கைது செய்யப்பட்டாா்.

ஹரி நகா் மற்றும் ரஜோரி காா்டன் காவல் நிலையங்களில் பதிவாகியுள்ள 10 திருட்டு மற்றும் வழிப்பறி வழக்குகளில் அா்ஜுன் தொடா்புடையவா் என தெரிய வந்தது. சடலம் பிஜேஆா்எம் மருத்துவமனையில் உள்ள பிணவறைக்கு மாற்றப்பட்டுள்ளது, மேலும் விசாரணை நடைபெற்று வருவதாக அவா்கள் தெரிவித்தனா்